Türkiyədə ölənlərin sayı 3400-ə çatıb /YENİLƏNİB/

Fevralın 7-si səhər saat 11-ə olan məlumata görə, Türkiyədə ölənlərin sayı 3400 nəfərə çatıb.

20,5 min yaralanıb, 300 mindən çox insan sığınacaqlara yerləşdirilib

*   *   *

2023 Fevral 07 (Çərşənbə axşamı) 09:21:11

Türkiyədə ölənlərin sayı 3000-ə çatıb

Bakı/07.02.23/Turan: Türkiyənin cənubunda baş verən dağıdıcı zəlzələ nəticəsində ölənlərin sayı 2921-ə çatıb, Türkiyənin Fövqəladə Hallar İdarəsinin (AFAD) rəhbəri Yunus Sezar fevralın 7-də səhər saatlarında bildirib. Onun sözlərinə görə, daha 15 834 nəfər yaralanıb.

Daha əvvəl Türkiyənin vitse-prezidenti Fuat Oktay bildirib ki, ümumilikdə 7840 nəfər dağıntılar altından sağ-salamat çıxarılıb.

Dağıntıların çıxarılması davam edir, qurbanların sayı artacaq.

Oktay əlavə edib ki, 338 min insan yataqxana, universitet və sığınacaqlarda yerləşdirilib.

Prezident Rəcəb Tayyib Ərdoğan təbii fəlakət qurbanları üçün Türkiyədə 7 günlük milli matəm elan edib.

Seysmoloqların məlumatına görə, fevralın 6-da Türkiyənin cənub-şərqində gün ərzində maqnitudası yeddidən çox olan iki zəlzələ (saat 04:17-də - 7,7, 13:24-də isə - 7,6) baş verib.

Türkiyə hökuməti zəlzələlərdən qorxaraq əhalini evlərinə qayıtmamağa çağırıb. -0-