Bakı/17.08.22/Turan: Erməni əsilli Türkiyə vətəndaşı Berk Acar dünən Dənizli şəhərinin Babadağ rayonunun icra başçısı təyin edilib. 27 yaşlı Berk Acar müasir Türkiyədə bu vəzifəyə təyin olunan ilk ermənidir, xəbəri Türkiyə KİV-ləri yayıb.
Berk Acar 1995-ci ildə İstanbulda anadan olub. Saakyan Nunyan adına özəl erməni orta məktəbini bitirib. 2020-ci ildə Bilgi Universitetinin hüquq fakultəsini bitirib. Şişlidə hüquq stajı keçib.
2021-ci ildə o, Ankarada yazılı imtahan verərək 13 374 namizəd arasında 72-ci yeri tutub. Müsahibə mərhələsinə 475 nəfər dəvət olunub. Berk Acar dövlət vəzifəsində işləmək hüququ qazananlar arasında olub.
Yaxın günlərdə gənc icra başçısının rayona gələcəyi və öhdəliklərinin icrasına başlayacağı gözlənilir.
Türkiyədə ölkə vətəndaşı olan 70 minə yaxın etnik erməni yaşayır. Bundan əlavə, Türkiyədə 40 minə yaxın Ermənistan vətəndaşı yaşayır və işləyir. -02B-
Siyasət
-
Dekabr ayında Beynəlxalq Qızıl Xaç Komitəsinin (BQXK) əməkdaşları Azərbaycanda həbsdə olan ermənilərə baş çəkiblər. Qızıl Xaç Komitəsinin məlumatında deyilir ki, ermənilərin ailələri ilə ünsiyyəti üçün şərait yaradılıb.
-
Bununla bağlı qərar dekabrın 5-də Bakı Apellyasiya Məhkəməsində Ədliyyə Nazirliyin müraciəti əsasında qəbul edilib. Partiyanın sədri Əhməd Oruc məhkəmə Turana məsələni şərh edərkən məhkəmənin qərarını "siyasi sifarişli" adlandırıb.
-
ABŞ Dövlət Katibinin köməkçisinin müavini Coşua Hak və Qafqaz danışıqları üzrə baş müşaviri Lui Bono, həmkarları ilə yüksək səviyyəli görüşlər keçirmək, səfir Libby və onun komanda üzvləri ilə məsləhətləşmələr aparmaq üçün bu gün Bakıya səfər ediblər.
-
III Respublika Platforması (ResPlatforma) quruluş ildönümü ilə bağlı bəyanat yayaraq, respublika dəyərlərinə sadiqliyini təsdiq edib.
Rəy yaz