Türkiyənin Xüsusi Təyinatlı Qüvvələr komandanı Azərbaycanda cəbhə bölgəsində olub

Türkiyənin Silahlı Qüvvələri Baş Qərargahının Xüsusi Təyinatlı Qüvvələr komandanı diviziya generalı Zekai Aksakallının rəhbərlik etdiyi nümayəndə heyəti cəbhə bölgəsində yerləşən hərbi birlikdə olub. 

Müdafiə  nazirliyinin məlumatına görə  hərbi hissə komandiri hərbi hissənin döyüş hazırlıgı, təminatı, şəxsi heyətin mənəvi-psixoloji vəziyyəti, sosial-məişət şəraiti haqqında danışaraq son dövrlərdə görulən işlər barədə məlumat verib. 

Sonra müdafiənin ön xəttində, düşmənlə birbaşa təmas xəttində yerləşən bölmələrdə olublar.
Diviziya generalı Z.Aksakallı doyüş mövqeyində dayanan hərbi qulluqçularla görüşüb, hərbi xidmətin təşkili, döyüş növbətçiliyinin aparılması ilə maraqlanıb, şəxsi heyət üçün yaradılmış şəraitlə, əsgərlərin yataq və istirahət yerləri ilə tanış olub.

Sonra türkiyəli hərbiçilər ön xəttdəki hərbi hissənin təlim poliqonunda olaraq müxtəlif təlim nöqtələrində snayper, minaatanlar və PDM-nın hazırlıq prosesini izləyib və döyüş atışlarını müşahidə ediblər. Diviziya generalı Z.Aksakallı snayper kursları keçən hərbçilərlə görüşərək "İstiqlal" snayper tüfənginin texniki göstəriciləri və döyüş imkanları ilə maraqlanıb. 

Həmçinin tank təlim taborunda olaraq müxtəlif zirehli texnikalara baxış keçiriblər. Nümayəndə heyətinin Bakıya səfəri noyabrın 8-də başa çatacaq.