Türkmənistan, Azərbaycan və Əfqanıstan bu il üçün nəqliyyat sahəsində əməkdaşlığı razılaşdırıblar

Bakı/21.01.21/Turan: Yanvarın 19-da Azərbaycan, Türkmənistan və Əfqanıstanın nəqliyyat kommunikasiyaları üzrə  hökumətlərarası işçi qrupunun rəhbərləri video-konfrans zamanı nəqliyyat dəhlizinin reallaşdırılması imkanlarıni müzakirə ediblər.

Görüşdə Türkmənistan baş nazirinin müavini Bayramgəldi Ovezov, Azərbaycan baş nazirinin müavini Şahin Mustafayev və Əfqanıstan Mərkəzi Bankının sədri vəzifəsini icra edən Ajmal Əhməd iştirak edib.

Tərəflər bu formatda əməkdaşlığın effektivliyini qeyd ediblər, ötən dövrdə qarşılıqlı fəaliyyətin nəticələrini qiymətləndiriblər və cari il üçün fəaliyyət planını müzakirə ediblər. Danışıqların yekunlarına görə, tərəflər nəqliyyat dəhlizi (Lazurit dəhlizi) üzrə əməkdaşlığın "yol xəritəsi" ni imzalayıblar.

Xatırladaq ki, 2017-ci ilin noyabrında Aşqabadda Türkmənistan, Azərbaycan, Əfqanıstan, Gürcüstan və Türkiyə arasında nəqliyyat kommunikasiyalarının inkişafına dair saziş imzalanıb. -0