Türkmənistan prezidenti Azərbaycanın yeni səfirini qəbul edib

Prezident Qurbanqulu Berdımuhammədov fevralın 4-də Azərbaycanən Türkmənistanda yeni səfiri Həsən Zeynalovu qəbul edib. O, etimadnaməsini dövlət başçısına təqdim edib.

 Görüşdə ticarət-iqtisadi, energetika, tranzit-nəqliyyat sahələrində ikitərəfli əməkdaşlığı gələcək inkişaf perspektivləri haqqında fikir mübadiləsi aparılıb, xəbəri Türkmənistan prezidentinin mətbuat xidməti yayıb.

Xüsusən, qeyd edilib ki, iki qonşu dövlətin coğrafi mövqeyi yük daşımaları üçün sərfəli quru və dəniz marşrutlarını təmin edən transkontinental kommunikasiya dəhlizlərinin formalaşdırılması üzrə yeni layihələrin həyata keçirilməsi üçün əlverişli zəmin yaradır.

Həmçinin təhsil, elm, mədəniyyət, incəsənət, idman və turizm sahələrində tərəfdaşlığı fəallaşdırmaq arzusu ifadə olunub. Türkmənistan prezidenti mədəniyyət sahəsində iki ölkənin qarşılıqlı fəaliyyəti haqqında birgə forum təşkil etməyi təklif edib. -02D-