Bakı/11.03.20/Turan: Türkmənistan prezidenti Qurbanqulı Berdıməhəmmədov martın 11-də Azərbaycana rəsmi səfərə gəlib. O, prezident İlham Əliyevlə görüş keçirib.
Türkmənistan prezidentinin mətbuat xidmətinin məlumatına görə, iki ölkə prezidenti nəqliyyat sahəsində əməkdaşlıq məsələlərini müzakirə ediblər.
Xüsusən, təkcə Türkmənistan və Azərbaycanın deyil, həm də üçüncü ölkələrin iştirakı ilə yeni magistralların tikintisi müzakirə olunub. Berdıməhəmmədov nəqliyyat sahəsində səyləri birləşdirməyə, ortaq yanaşmalar müəyyən etməyə və beynəlxalq aləmdə BMT-nin Avropa İqtisadi Komissiyası (AİK), BMT-nin Asiya və Sakit Okean üçün İqtisadi və Sosial Komissiyası (ASOİSK), Beynəlxalq Avtomobil Nəqliyyatı İttifaqı və digər qurumlarla fəal qarşılıqlı fəaliyyət nəzərdə tutan razılaşdırılmış nəqliyyat diplomatiyası həyata keçirməyə başlamağa çağırıb.
Eyni zamanda, Türkmənistan lideri iqtisadi sahədə ikitərəfli əməkdaşlığı fəallaşdırmağın tərəfdarı olduğun bildirib.
Beynəlxalq energetika əməkdaşlığı sahəsində Türkmənistan və Azərbaycan enerji daşıyıcılarının Avropa bazarlarına marşrutların şaxələndirilməsinə əsaslanan tarazlaşdırılmış, çoxvariantlı nəqli sisteminin yaradılmasının tərəfdarıdır.
Xəzərdə əməkdaşlıq mövzusuna ayrıca toxunulub. 2018-ci il avqustun 12-də Aktauda Xəzərin hüquqi statusu haqqında Konvensiyanın imzalanması qarşılıqlı fəaliyyətin yeni mərhələsinin başlanğıcını qoyub.
Türkmənistan lideri Xəzərin böyük nəqliyyat-logistika qovşağına çevrilməsinə diqqət çəkib. "Bu, strateji istiqamətdir", deyə o qeyd edib.
Bu seqmentdə Xəzər Dənizi - Qara Dəniz nəqliyyat marşrutu layihəsinin işə salınması və Rumıniya və Gürcüstandan tərəfdaşların layihəyə cəl edilməsi üzrə birgə iş ən mühüm istiqamətdir. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz