Ukrayna, Qazaxıstan və Azərbaycan hökumət başçıları Ukrayna mallarının tranziti məsələsini müzakirə ediblər
Ukraynanın baş naziri Arseni Yasenyuk Qazaxıstan və Azərbaycanın hökumət başçıları ilə telefon söhbətində tranzit məsələsini müzakirə edib. Telefon söhbəti Rusiyanın Ukrayna mallarını buraxmaqdan imtina etməsilə əlaqadar baş tutub. Bu barədə Ukrayna Nazirlər Kabinetinin mətbuat xidməti bildirib.
Qazaxıstanın baş naziri Kərim Mənsimovla söhbət zamanı Yasenyuk Ukrayna məhsullarının Qazaxıstana tranzit məsələsini müzakirə edib. Tərəflər tranzitin təmin olunması məsələsinin operativ həllinin milli qurumlara həvalə edilməsi barədə razlığa gəliblər.
Yasenyuk həmçinin bildirib ki, Ukrayna bu ölkənin mallarının tranzitinin qarşısını alan Rusiyanın qanunsuz hərəkətləri barədə ÜTT üzvlərini xəbərdar etmək niyyətindədir.
Yasenyukun Azərbaycanın baş naziri Artur Rasizadə ilə söhbətində də həmin məsələlər diqqət mərkəzində olub.
“Ukrayna və Azərbaycan hökumət rəhbərləri tranzitlə bağlı yaranmış problemin həlli yolları barədə prinsipial razılığa gəliblər və zəruri texniki qərarların razılaşdırılması üçün ən qısa zamanda milli nümayəndələrin görüşünün keçirilməsi barədə razılıq əldə ediblər”, - məlumatda deyilir.
Xatırladaq ki, yanvarın 4-də Rusiya öz ərazisilə Ukrayna mallarının tranzitini dayandırıb. -02D-
-
- Dünyada
- 7 Yanvar 2016 11:30
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz