![Antony Blinken](https://turan.az/resized/media/2023/main/082400065723-750-500-resize.webp)
Antony Blinken
Ukraynada etdikləri Rusiyaya “baha başa gələcək” – Blinken
Vaşinqton/24.08.23/Turan: ABŞ dövlət katibi Entoni Blinken çərşənbə günü bildirib ki, ölkəsi ukraynalıları dəstəkləməyə davam edəcək və müttəfiqləri və tərəfdaşları ilə birlikdə Ukraynanı qorumaq, bərpa etmək üçün lazım olan hər şeyi verəcək, deyə "Turan"ın Vaşinqton müxbiri xəbər verir.
Blinken Müstəqillik Günündə ukraynalılara müraciətində deyib: "Məhz sizin sayənizdə və sizin mətanətiniz sayəsində Ukrayna qalib gələcək və etdikləri Rusiyaya “baha başa gələcək”.
“24 avqust Ukraynanın müstəqilliyi, suverenliyi və demokratiyasının sübutudur, eyni zamanda Ukrayna üçün qürur günü, Ukrayna irsini və mədəniyyətini qeyd etmək günüdür”, - Blinken bildirib.
Blinken Krım Platforması Sammitində də virtual olaraq çıxış edib. “Biz Krımın qeyri-qanuni ilhaqını tanımırıq və tanımayacağıq", - deyə o bildirib.
Moskva Krım tatarlarını təqib etməkdə davam edir: məscidlərə və evlərə basqınlar edir, dinc qrupları cinayət məsuliyyətinə cəlb edir və mülki fəalları həbsdə saxlayır.
“Beynəlxalq ictimaiyyət Krım Platforması vasitəsilə Ukraynanın Krım da daxil olmaqla bütün ərazisi üzərində nəzarətinin bərpasına dəstək vermək; Rusiyanın sui-istifadələrinə diqqət çəkmək; Rusiyanın təcavüzü və işğalı nəticəsində dəymiş iqtisadi ziyanı aradan qaldırmaq; Rusiya tərəfindən saxlanılan bütün siyasi məhbusları azad etmək üçün fəaliyyətini davam etdirəcək”, - deyə o, yekunlaşdırıb. 0
-
- Siyasət
- 24 Avqust 2023 11:19
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz