Ukraynanın birinci xanımı Vaşinqtonda yüksək səviyyədə görüşlər keçirib

Vaşinqton/19.07.22/Turan: Bazar ertəsi Ukraynanın birinci xanımı Yelena Zelenskaya ABŞ-ın paytaxtında bir sıra çıxışlar çərçivəsində Dövlət Departamentində dövlət katibi Entoni Blinkenlə görüşüb. O, Konqresə müraciət edəcək, həmçinin ABŞ-ın birinci xanımı Cil Bayden ilə görüşəcək, Turan-ın ABŞ-dakı müxbiri bildirib.  

"Bu, dövlət katibi üçün ABŞ-ın Ukraynaya hərtərəfli və dəyişməz sadiqliyini vurğulamaq imkanı idi", - Dövlət Departamentinin nümayəndəsi Ned Prays Zelenskaya ilə Blinkenin görüşündən sonra bildirib.

Dövlət katibi amansız müharibədən əziyyət çəkən Ukrayna vətəndaşlarının dəstəklənməsi ilə bağlı birinci xanımın işini yüksək qiymətləndirir. ABŞ-ın Kiyevdəki səfirliyi birinci xanımın proqramlarını dəstəkləmək üçün onunla fəal işləyir, bazar ertəsi brifinqdə Ned Prays bildirib.

Bazar ertəsi axşam Ağ Ev məlumat dərc edib ki, birinci xanım Cill Bayden Ağ Evin qarşısında Zelenskayanı qəbul edəcək və onunla görüşəcək.  

Öz növbəsində spiker Nensi Pelosi bildirib ki, çərşənbə günü Konqresin akt zalında Zelenskaya Konqresin qarşısında çıxış edəcək. 0