Vaşinqtonda Azərbaycan-Amerika münasibətlərinə dair müzakirələr keçiriləcək

Amerika Azərbaycanlıları Demokratiya Uğrunda Cəmiyyəti (AZAD) çərşənbə günü Vaşinqtonda “Azərbaycanın Qərb tərəfindən istifadə olunmamış potensialı”  adlı debatlar  keçirəcək. Tədbir iki ölkənin geniş ictimai təbəqələri arasında münasibətlərin öyrənilməsinə həsr ediləcək. Bu barədə AZAD-ın rəhbəri Elmar Şahtaxtinski bildirib.

ABŞ-ın Bakıdakı keçmiş səfiri Riçard Kozlariç və Rusiya üzrə ekspert Devid Satter əsas məruzəçilər olacaqlar. 

“Azərbaycan yalnız neft ölkəsi və müxtəlif maddi-texniki məqsədlərə xidmət edən coğrafi məkan deyil. Bu ölkənin böyük potensialı var”, - AZAD sədrinin müavini Qorxmaz Əsgərov bildirib. Azərbaycan gənc dövlətdir və özünün siyasi sistemini qurmalıdır.  Azərbaycan xalqı bu yolda oturuşmuş demokratiyalardan, xüsusən də ABŞ-dan müdrik yardım və mənəvi dəstək gözləyir. 

“Bu yaxınlarda ərəb inqilabları dalğası göstərdi ki, ABŞ heç də hər zaman region ölkələri ilə tərəfdaşlığa arxayın ola bilməz, əgər onlar yalnız hakimiyyətlə münasibətlər vasitəsilə qurulursa.  Bu, xüsusilə avtoritar rejimə malik ölkələr üçün aktualdır”, - E.Şahtaxtinski vurğulayıb. Cəmiyyətin müəyyən seqmentləri ilə münasibətlərin möhkəmləndirilməsi uzunmüddətli əlaqələrin təminatının ən yaxşı yoludur, o qeyd edib.-025D-