Qaimə-fakturalar elektron formada təqdim olunacaq

Vergilər Nazirliyi təqdim olunan mallar (işlər, xidmətlər) üzrə elektron qaimə-fakturalara  keçilməsinə dair təkliflər hazırlayıb. Nazirlik  hesab edir ki, bu, onların uçotunun aparılmasını asanlaşdıracaq, həmçinin maddi xərcləri azaldacaq (qaimə-fakturaların hazırlanması üçün xərclər), vaxta qənaət edəcək. 

Vergilər Nazirliyinin mətbuat xidmətindən Turan-a bildirilib ki, yeni qaimə-fakturalar kommersiya subyektlərinə Vergilər Nazirliyinin rəsmi İnternet saytının 

(www.e-taxes.gov.az) İnternet Vergi İdarəsində yaradılmış elektron qaimə-faktura  sistemi vasitəsilə təqdim ediləcək. Avtomatlaşdırılmış vergi informasiya sisteminin köməyilə fakturalara seriya və nömrə veriləcək ki, bu da onların saxtalaşdırılmasının qarşısını alacaq.

Qeyd edək ki, Vergilər Nazirliyi çoxsaylı elektron xidmətlər (vergi bəyannamələrinin təqdim olunması, ƏDV hesabları, hüquqi və fiziki şəxslərin qeydiyyatı və s.) tətbiq edir. Bununla belə, bəzi vergiödəyiciləri, xüsusilə də Bakıda çalışanlar bildirirlər ki, onların fəaliyyəti ildə iki dəfə vergi xidməti tərəfindən yoxlanılır. Əyani vergi yoxlaması həm Audit İdarəsi, hm də Şəhər Vergi Departamenti (səyyar yoxlama) tərəfindən yoxlanılır və bir qayda olaraq vergiödəyicisinin xeyrinə başa çatmır. -08D