Vaşinqtonda azərbaycanlı məmurlara qarşı sanksiyalara baxılıb

Dekabrın 13-də Vaşinqtonda təşkil edilən “ABŞ-ın sanksiyaları azərbaycanlı dissidentlərə kömək edə bilərmi?” adlı forumda Azərbaycanda insan hüquqlarının pozulmasına bağlı olan dövlət məmurlarına qarşı sanksiyalar barədə sərt çağırışlar səslənib. Forum Amerikalı Azərbaycanlılar Demokratiya Uğrunda təşkilatı  (AZAD)  tərəfindən təşkil olunub.

Forumun yekunlarını “Amerikanın səsi” nin Azərbaycan xidmətinə şərh edən təşkilatçılar və iştirakçılar sanksiyaların tətbiqinin səbəblərini və nəzərdə tutulan addımları açıqlayıblar.

AZAD-ın prezidenti Elmar Şahtaxtinski bildirib ki, forum Azərbaycan hakimiyyətinə mesaj göndərir ki, insan hüquq və azadlıqlarının pozulması və öz xalqına qarşı bu cür münasibət cavab tədbirləri ilə üzləşəcək.

“Biz demək istəyirik ki, rəsmi Bakının siyasəti Qərb ilə yaxınlaşmağa deyil, Rusiya, İran kimi avtoritar rejimlərlə yaxınlaşmağa doğru aparır. Hakimiyyət bilməlidir ki, dəyərlərin üst-üstə düşmədiyi yerdə praktik olaraq əməkdaşlıq pozulur”,- Şahtaxtinski vurğulayıb

 “Freedom House”un keçmiş direktoru, hazırda Makkeyn İnstitutunda insan hüquqları və demokratiya üzrə direktor Devid Kramer deyib ki, müxalifətə son miqyaslı təzyiqlər, jurnalist Xədicə İsmayılovanın həbsi ABŞ-ın ciddi narahatlığına səbəb olub. Odur ki, fevralda tətildən sonra Konqresdə dinləmələr zamanı Azərbaycanda insan haqları mövzusu vacib olacaq.

Mən ünvanlı sanksiyanın tərəfdarıyam. Məsələn, insan hüquqlarının pozulmasında əli olan şəxslərə viza verilməməsi, bank hesablarının dondurulması. Bu addımlarda məqsəd siyasi məhbusların azadlığa buraxılması, opponentlərə qarşı təqiblərə son qoyulmasıdır. O qeyd edib ki, “biz Maqnitski sanksiyasından da irəli getməliyik”.

O, Azərbaycan hakimiyyətinə digər təzyiq istiqamətini də göstərib: 2015-ci ildə Bakıda keçiriləcək Birinci Olimpiya Oyunlarını boykot çağırışı.

“Biz elə etməliyik ki, bu oyunlar Əliyev üçün  avropalı liderlərin iştirakı ilə təntənəli tədbirə çevrilməsin”, - D.Kramer vurğulayıb.—0—