Bakı/25.08.17/Turan: "Mehman Əliyevə qarşı irəli sürülən bugünkü ittihamlar və onun noyabrın 7-dək həbsi barədə məhkəmə qərarı bütün azad düşüncəli şəxsləri qorxutmaq və onlara göstərməkdir ki, heç kim hətta qanunu pozmayıbsa belə, özünü təhlükəsiz hiss edə bilməz", -vəkil Fuad Ağayev bildirib.
O qeyd edib ki, M.Əliyevə qarşı irəli sürülən bütün ittihamlar əsassızdır və heç bir qanuni əsası yoxdur, əsasən də 192.2-ci maddənin - küllü miqdarda gəlir götürməklə qanunsuz sahibkarlıq.
Qanunsuz sahibkarlıqdan söhbət gedə bilməz. Bu, dövlət qeydiyyatı, əgər fəaliyyət xüsusi icazə tələb edirsə lisenziya olmadan fəaliyyəti nəzərdə tutur. Turan agentliyinin uzun illərdir ki, dövlət qeydiyyatı var. İnformasiya agentliyi kimi xidmət göstərmək üçün lisenziya tələb edilmir.
231.1-ci maddəyə - vergi ödəməkdən yayınmaya gəlincə, istintaq açıq şəkildə pozuntuya yol verib. Bu, səyyar yoxlamaya əsaslanır, ancaq işdə akt yoxdur.
Agentlik hər zaman vergi bəyannamələrini təqdim edib və kameral yoxlamaya məruz qalıb.
Bundan əlavə, 2016-cı il üçün kameral yoxlamanın nəticələrinə görə, agentliyə 3 min manat məbləğində vergi hesablanıb. Ancaq vergi orqanına şikayətdən sonra onun əsassız olduğu təsdiqlənib.
Bu qərar qüvvədə qaldığında agentliyə yenidən yeni vergi borcu hesablanıb ki, bu da tamamilə qanun pozuntusudur.
301.1-ci maddədən (vəzifə səlahiyyətindən sui-istifadə) ümumiyyətlə, söhbət gedə bilməz. Çünki M.Əliyev agentliyin təsisçisi olub və bütün səlahiyyətlərə malik olub. Odur ki, ittiham tamamilə əsassız və qanunsuzdur.
Həbs siyasi sifarişin nəticəsidir, vəkil bildirib.
O həmçinin qeyd edib ki, saxlanma haqda qərar axşam saat 18.20-də imzalanıb, saat 16.45-də isə hökumətyönlü KİV M.Əliyevin həbs edildiyini bildirib.
F.Ağayev deyib ki, həbs barədə qərardan şikayət veriləcək.-06B--
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz