Vəkil: Seymur Həzi xuliqanlıq etməyib

Avqustun 30-da "Azadlıq" qəzetinin şərhçisi Seymur Həzi  Abşeron rayon məhkəməsinin qərarı ilə   barəsində 2 aylıq həbs qətimkan tədbiri seçilib.

Jurnalist Seymur Həzi avqustun 29-da Abşeron rayon Polis Şöbəsi tərəfindən saxlanıb.

Ona Cinayət Məcəlləsiniin 221.3 ( xuliqanlıq, silahdan istifadə edilən əşyaları tətbiq etmə törədildikdə) maddəsi ilə cinayət işi açılıb.

Elton Quliyev Turana  bildirib ki, insident olub

“Biz bunu hüquqi baxımdan qiymətləndirmirik. Seymur Həzi xuliqanlıq etməyib.Burada provakasiya var.O,özünü müdafiə edib.Seymur Həziyə qarşı  bu ittiham qanunsuz və əsassızdır.Həbsin özü planlaşdırılmış həbsdir. Seymur  öz həbsini ictimai –siyasi fəaliyyət ilə bağlı olduğunun düşünür” deyə vəkil bildirib.

Vəkil  Elton Quliyev bildirib ki, polisdə deyiblər ki, jurnalist Ceyranbatanda bir nəfəri vurduğu üçün saxlanılıb.

Elton Quliyev onu da bildirib ki, həmin şəxs məhkəmədə iştirak etməyib.

Bununla belə vəkil Seymur Həzi barəsində apellyasiya şikayəti veriləcəyini də istisna etməyib

Abşeron rayon Polis Şöbəsi və prokurorluğunun məlumatına görə avqustun 29-da saat 12:30 radələrində Abşeron rayonunun Ceyranbatan qəsəbə sakini Seymur Həziyevin qəsəbənin girişindəki avtobus dayanacağının yaxınlığında ictimai qaydanı kobud surətdə pozan, cəmiyyətə açıqca hörmətsizlik ifadə edən, silah qismində istifadə edilən əşya tətbiq etməklə vətəndaşlar üzərində zor tətbiq olunması ilə müşayiət edilən qərəzli hərəkətlərə yol verərək, əvvəllər tanımadığı Bakı şəhər sakini Məhərrəm Həsənovu əsaslı səbəb olmadan söyməsində, daha sonra şüşə butulka ilə başına, yumruq və təpiklə isə sifət nahiyəsinə vuraraq sonuncuya bədən xəsarətləri yetirib.

İş üzrə məhkəmə-tibb ekspertizaları təyin edilmiş, hadisənin şahidləri dindirilmiş və digər prosessual hərəkətlər yerinə yetirilmişdir.

Hazırda iş üzrə istintaq davam etdirilir.

Son illər xuliqanlıq maddəsi ilə ictimai-siyasi fəallar, jurnalistlər - Milli Dövlətçilik Partiyasının sədri Nemət Pənahlı, Müsavat Partiyası başqanının müşaviri Yadigar Sadıqlı, “Kamil Vətəndaş” Cəmiyyətinin sədri Həsən Hüseynli, PS-Nota qəzetinin baş redaktoru Sərdar Əlibəyli həbs edilib.  -0-