VHP-çi gənclər AXCP-dən olan həmkarlarına azadlıq tələb edirlər
Vətəndaş Həmrəyliyi Partiyasının (VHP) Gənclər Təşkilatı AXCP üzvlərinin həbsinə etiraz bəyanatı yayıb.
Fevralın 27-də bir neçə saat ərzində AXCP-nin 4 fəalının saxlanılması rəsmi açıqlamalarda deyildiyi kimi, hansısa qanunsuz əməllərin nəticəsi yox, siyasi sifarişin təsdiqidir. Müəlliflər iqtidarın siyasi fəallara, xüsusilə gənclərə repressiv təzyiq metodlarının cəmiyyətdə ciddi bir aqressiya mühiti yaratmasına diqqət çəkərək bunu təhlükəli tendensiya adlandırır.
Siqaret belə çəkmədiyi halda VHP-çi gəncin narkotik maddə istifadəçisi, evində oturan gəncin “polisə müqavimət” adı ilə polisə aparılaraq inzibati cəza verilməsi ölkədə növbəti siyasi təzyiq dalğasının başlanmasının sübutudur.
VHP-çi gənclər dünyada baş verən vətəndaş qarşıdurmaları fonunda iqtidarın heç bir nəticə çıxarmadan fəal gənclərə qarşı total hücumu ölkəni təhlükəli uçuruma sürükləməsi kimi dəyərləndirirlər. Vətəndaş cəmiyyəti, qarşılıqlı dialoq, siyasi dözümlülük yerinə repressiyanın artması ölkədə arzuedilməz proseslərin başlanmasına səbəb ola biləcəyi barədə xəbərdarlıq edilir.
Müəlliflər iqtidarın gənclərə qarşı təqib siyasətini qətiyyətlə pisləyir, bu həbsləri müxalif düşüncəli insanlara repressiya adlandırır. Son olaraq müəlliflər iqtidarı həbs edilən gəncləri azad etməyə, beynəlxalq qurumlar önündə götürdüyü öhdəlikləri yerinə yetirməyə çağırırlar.-05D-
-
- Cəmiyyət
- 3 Mart 2014 11:47
-
- Foto sessiyalar
- 3 Mart 2014 12:28
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz