Açiq mənbələrdən foto.
Vorotan və Şurnux erməni kəndlərində 12 ev Azərbaycana keçib
Bakı/24.12.20/Turan: Azərbaycanlı zabitlər Ermənistanın cənub-şərqində Sünik vilayətinin Vorotan sərhəd kəndinə gediblər. Kənd evlərindən birinə girib ev sahiblərindən onu tərk etməyi tələb ediblər və bildiriblər ki, bu, Azərbaycan ərazisidir. Gorusun vitse-meri Menua Ovsepyan bu barədə məlumatı “Sputnik Armeniya”ya təsdiqləyib. Vorotan Gorusun böyük icmasının bir hissəsidir.
Ovsepyan danışıb ki, demarkasiya çərçivəsində azərbaycanlılar faktiki olaraq kəndin bir hissəsini tələb edirlər və qeyd edirlər ki, onların GPS sistemləri üzrə sahələrdən biri Azərbaycan ərazisinə düşür. Söhbət əsasən bağların və 12 evin yerləşdiyi hissədən gedir. Dekabrın 24-də Ovsepyan telefonla məlumat verdiyi zaman azərbaycanlılar evlərin birinin həyətində dayanıblar.
"Ermənistan hökuməti bizi başlı-başına buraxıb. Azərbaycanlılar öz istəklərinə görə bölgü xətti aparırlar, bizdən heç kim yoxdur, ancaq yerli hakimiyyətdir. Amma bizim müvafiq səlahiyyətlərimiz yoxdur, bu, hökumətin preroqatividir ", –Ovsepyan deyib.
Dekabrın 24-də azərbaycanlı zabitlər Sünik vilayətində Şurnux kəndinə də gediblər, orada delimitasiya işləri aparırlar. Bu barədə Şurnux kəndinin ağsaqqalı Akop Arşakyan Novosti-Armeniya - NEWS.am-a bildirib.
"20 dəqiqə əvvəl gəldilər. 12 evi tələb edirlər. Ağsaqqal açıqlama verdi ki, danışıqlar gedir. Lakin proses GPS üzrə aparılsa, kəndin yarısı Azərbaycana keçəcək”.
Bu gün hökumətin iclasında Nikol Paşinyan bildirib ki, Vorotan və Şurnux kəndlərində vəziyyət "ağrılı vəziyyətə gətirib çıxara bilər". Baş nazir mülkiyyətini itirəcək kəndlilərə dövlət kompensasiyası vəd edib, bununla da ərazinin Azərbaycana məxsus olduğunu etiraf edib.
Bundan öncə Bakı və Yerevan GPRS vasitəsilə sovet dövrünün xəritəsi üzrə bərpa etmək barədə razılığa gəliblər.—0—
-
- Cəmiyyət
- 24 Dekabr 2020 15:31
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz