Xaçmazda təzyiqə məruz qalan SMDT əməkdaşının vəziyyəti pisləşib

Xaçmazda təzyiqə məruz qalan Seçkilərin Monitorinqi və Demokratiyanın Tədrisi (SMDT) əməkdaşı Cavid Nəbiyevin vəziyyəti Xaçmaz polis idarəsində pisləşib. Bu barədə Turan-a  Nəbiyev özü məlumat verib.

Onun sözlərinə görə, vəziyyətinin pis olmasına baxmayaraq, idarəyə təcili tibbi yardm  çağırılmayıb.

Belə ki, Cavid Nəbiyev polis tərəfindən fiziki təzyiqə məruz qalıb.

İdarədə saxlanılan Reportyorların Azadlıq və Təhlükəsizlik İnstitutunun (RATİ)  əməkdaşı Günay İsmayılova polis idarəsində izahat verir.

Qeyd edək ki, bu gun Seçkilərin Monitorinqi və Demokratiyanın Tədrisi Mərkəzinin (SMDTM) Xaçmazda olan təlimçiləri polislərin basqılarına məruz qalıblar. Təlimçilər yerləşdikləri otelden zorla çixardılıb.  -16B06 -16B06

Xaçmazda vətəndaş cəmiyyətinin iki fəalı saxlanılıb

Fevralın 12-də səhər saatlarında Xaçmazda (Bakıdan 180 km şimalda) Seçkilərin Monitorinqi və Demokratiyanın Tədrisi (SMDT) və Reportyorların Azadlıq və Təhlükəsizlik İnstitutunun (RATİ) fəalları Cavid Nəbiyev və Günay İsmayılova saxlanılıb.

Onlar Xaçmaz polisinə aparılıb. İsmayılovanın Turan-a verdiyi məlumata görə, onların saxlanılması SMDT-nin “Sahil” otelində keçirdiyi treninq olub.

Polisin təzyiqi ilə otel sahibi tədbir üçün yer ayırmaqdan imtina edib. Təşkilatçılar tədbiri Amerikanın İREX təşkilatının ofisində keçirməyə çalışdıqda isə polis oraya gələrək, iştirakçıları qovub.

İsmayılova layihədə trener kimi iştirak edirdi və polis ona polisə tabe olmamaqda və başqasına aid yerə zorla giməkdə ittiham olunduqlarını bildirib. Vətəndaş cəmiyyəti fəallarının sözlərinə görə, polis “şahidlərin”, o cümlədən İREX-in icarəyə götürdüyü ofis sahibinin ifadələrini saxtalaşdırır.

Fəallara bildiriblər ki, onlar Xaçmaz polis rəisi ilə görüşənə qədər saxlanılacaqlar. Rəis onlara hansı pozuntulara yol verdiklərini izah edəcək. -16B06-

Polis SMDTM-nin Xaçmazdakı tədbirini pozub

Bu gün Seçkilərin Monitorinqi və Demokratiyanın Tədrisi Mərkəzinin (SMDTM) Xaçmazda olan təlimçiləri mülki geyimli polislərin basqılarına məruz qalıblar. Bu barədə Turan-a SMDT-nın əməkdaşı Cavid Nəbiyev  bildirib.

Onun sözlərinə görə, polis  heç bir açıqlama vermədən yerləşdikləri “Sahil” otelindən zorla   çıxarır. Burada onlar vətəndaşların idarəetmə bacarıqlarının artırılması layihəsi çərçivəsində treninq keçirmək niyyətində olublar. Layihə Aİ və ABŞ Milli Demokratiya İnstitutu 

(NDİ) tərəfindən maliyyələşdirilir. 

“Polislər əməkdaşlarımıza təzyiq edir, onların hərəkətinə mane olur, kobud sözlərdən istifadə edirlər”, - C.Nəbiyev əlavə edib.

Otel rəhbərliyi də SMDTT nümayəndələrindən mehmanxananı tərk etməyi tələb edib, halbuki, otelin pulu ödənilib.

Öz növbəsində “Sahil” otelinin administratoru Sevinc Atayeva Turan-ın müxbirinə bunları söyləyib: “Biz heç kimi oteldən çıxarmamışıq. Sadəcə, rayon rəhbərliyi biz dedi və mən də onlardan oteli boşaltmağı xahiş elədim”.

Bundan sonra SMDTM əməkdaşları tədbiri İREX-in yerli ofisində keçirmək qərarına gəliblər. C.Nəbiyevin sözlərinə görə, polis ora gələrək yenə də onları qovub. O bildirib ki, Xaçmaz Rayon Polis İdarəsinin cinayət- axtarış şöbəsinin əməkdaşları hədə-qorxularla və fiziki təzyiqlə ofisi boşaltmağa məcbur ediblər. C.Nəbiyev polis əməkdaşları tərəfindən döyülüb.

SMDTM-nin regional nümayəndəsi Aftandil Məmmədli bildirib ki, polis bu beynəlxalq təşkilatın ofisinə basqın edib.

“"Bu qanunsuzluq  və özbaşınalıqdır”, - A.Məmmədli bildirib və xatırladıb ki, bundan əvvəl Qubada da polis bu cür hərəkətlər  törədib. O deyib ki, baş verənlərlə bağlı DİN-ə müraciət edib. Hüquq-mühafizə orqanları şərh vermir.-16D