Xankəndinin "komendantı" Ermənistanda saxlanılıb
Bu gün bir sıra erməni KİV bildirib ki, Ermənistan Milli Təhlükəsizlik Xidməti Sarkis Qalstyanı saxlayıb. O 2023-cü ilin sentyabrından sonra Qarabağda qalan ermənilərdən biridir. Bəzi erməni mənbələrə görə, Azərbaycan hakimiyyəti onu Xankəndinin komendantı təyin edib. Lakin bu günlərdə o, həyat yoldaşı ilə birlikdə Ermənistana qayıdıb və dərhal Qoris şəhərində saxlanılıb. Ermənistanın Milli Təhlükəsizlik Xidməti bu xəbərləri şərh etmir.
Xatırladaq ki, Qalstyan gedən qarabağlıları geri qayıtmağa və Azərbaycan vətəndaşlığını qəbul etməyə çağıranlardan biriydi. Bundan əvvəl erməni mənbələr onu Azərbaycan hakimiyyətilə əməkdaşlıq etməkdə ittiham edərək xain adlandırmışdılar.
Martın 29-da Qırmızı Xaç Komitəsi vasitəsilə Qarabağdan Ermənistana aparılan Sarkis Qalstyana qarşı casusluq ittihamı irəli sürülüb. O həbs edilib, Ermənistan İstintaq Komitəsi bildirib.
Sarkis Qalstanla birlikdə həyat yoldaşı Marqarita Şahnazaryan da Ermənistana gedib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz