Xədicə İsmayılovanı 6 ay həbslə hədələyiblər (YENİLƏNİB)

“Azadlıq” radiosunun icmalçısı Xədicə İsmayılova facebook səhifəsində yaydığı materilla bağlı cinayət işi qaldırılmasını təəccü3blü adlandırır. 

X.İsmayılova Turana müsahibəsində bildirib ki, bundan əvvəl tədiqiqatlarında  Azərbaycanda çoxsaylı korrupsiya faktları aşkarlayıb. Amma prokurorluq indiyə kimi bununla bir dəfə də olsun maraqlanmyıb.

O, prokurorluğu bu faktları araşdırmağa çağıraraq, istintaqa yardımçı olmağa və sənədləri əldə etdiyi mənbələri açıqlamağa hazır olduğunu vurğulayıb.

X.İsmayılova həmçinin yüksək rütbəli dövlət məmurlarının xarici ölkələrdə bahalı daşınmaz əmlak əldə etmələrinə dair daha üç tədiqiqatını başa çatdırdığını söyləyib. Yaxın günlərdə həmin materialların dərc olunacağı nəzərə çatdırılıb. Materiallar beynəlxalq jurnalist araşdırma şəbəkəsilə tərəfdaşlıq nəticəsində hazırlanıb və bu işlərin nüsxələri xaricdə saxlanılır. 

Bunları araşdırmaq əvəzinə prokurorluğun müstəntiqləri X.İsmaılovadan xüsusi xidmət orqanının müxalifətçini ələ alması haqda sənədi verən mənbəni açqılamasını tələb edirlər. Əks halda, jurnalısiti 6 ay həbslə hədələyiblər.

X.İsmaılovanın prokurorluğa növbəti çağırışı fevralın 20-nə təyin olunub.-06D- 

2014 Fevral 19 (Çərşənbə) 14:10:29

Fevralın 20-də “Azadlıq” radiosunun əməkdaşı  Xədicə İsmayılova yenidən dindiriləcək.  

Jurnalist Turan-a bildirib ki, bugünkü dindirmədə müstəntiq ona deyib ki,  ölkədən və şəhərdən getmək barədə istintaq orqanlarına məlumat verməlidir. Dindirmədə onu vəkil Elton Quliyev müşayiət edib.-16D-

2014 Fevral 19 (Çərşənbə) 12:30:38

“Azadlıq” radiosu Azərbaycan bölməsinin əməkdaşı Xədicə İsmayılova çərşənbə günü təkrar istintaqa çağırılıb. Bu haqda Turan-a X.İsmayılova bildirib.

Jurnalistin dövlət sirrini yayması faktı üzrə Cinayət Məcəlləsinin 284.2-ci maddəsilə cinayət işi qaldırılıb. Jurnalisti vəkili Elton Quliyev müşayət edir.  

İlkin dindirilmə fevralın 18-də Baş Prokurorluğun Ağır Cinayətlərə dair İşlər üzrə İstintaq İdarəsində olub, bu gün təkrar istintaq olacaq.

X.İsmayılova öz “Facebook” səhifəsində guya məxfi deyilən sənədin foto-surətini yayıb. Həmin sənədin dövlət sirrini əhatə etdiyi iddia olunur və bu əsasda fakt üzrə cinayət işi qaldırılıb, jurnalist istintaqa cəlb edilib.-05B/D-