Xələf Xələfov yenə nazir müavini oldu
Bakı/04.05.19/Turan: Azərbaycan prezidenti ilham Əliyevin sərəncamı ilə Xələf Xələfov ölkənin xarici işlər nazirinin müavini təyin olunub. Onun üzərinə həm də Prezidentin sərhəd və Xəzər dənizi məsələləri üzrə xüsusi nümayəndəsi missiyası qoyulub.
Xələfov 1997-ci ildən 2018-ci ilin dekabrına qədər xarici işlər nazirinin müavini vəzifəsini tutub. Ötən ilin sonlarında Xələfov Nazirlər Kabinetinin aparat rəhbəri təyin edilib.
Xələfovun nazir müavini vəzifəsinə qayıtması açıq-aşkar Gürcüstanla sərhədlərin delimitasiyası və demarkasiyası işlərinin aktuallaşması ilə əlaqədardır.
Xələfov xarici işlər nazirinin müavini olarkən qonşu ölkələrlə sərhədlərin delimitasiyası, habelə Xəzərin hüquqi statusunun işlənib hazırlanması və dəniz dibinin sahil dövlətləri arasında bölünməsi məsələləri üzrə danışıqlar aparan əsas şəxs idi. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz