“Xəzri dalğası” təlimlərində terrorçuların zərərsizləşdirilməsi üzrə tapşırıqlar yerinə yetirilib

Bakı/21.07.23/Turan: Azərbaycan Silahlı Qüvvələrinin “Xəzri dalğası” taktiki təlimlərində terrorçu qrupun zərərsizləşdirilməsi üzrə tapşırıqlar yerinə yetirilib, bu barədə Müdafiə Nazirliyinin məlumatında deyilir. 

"Xəzər dənizinin Azərbaycana məxsus sektorunda enerji infrastrukturlarının mühafizəsi və müdafiəsi zamanı döyüş əməliyyatlarının aparılması üzrə keçirilən "Xəzri dalğası" taktiki təlimi davam edir", - bu barədə qurumun press-relizində deyilir. 

Təlimin növbəti mərhələsində dəniz adalarının birində bazalanmış terror qruplaşmasının zərərsizləşdirilməsi və terror-diversiya hücumlarının qarşısının alınması üzrə döyüş fəaliyyətlərinin yerinə yetirilməsi tapşırıqları icra edilib.

"Hərbi Dəniz Qüvvələri, Quru Qoşunları, Hərbi Hava Qüvvələri və Dövlət Sərhəd Xidmətinin Sahil Mühafizəsi ilə qarşılıqlı əlaqədə keçirilən təlimdə qarşıya qoyulan bütün tapşırıqlar uğurla yerinə yetirilir", - deyə daha sonra Müdafiə Nazirliyinin məlumatında deyilir. 

Azərbaycan Müdafiə Nazirliyi iyulunun 20-də 1500 hərbi qulluqçunun iştirakı ilə Xəzər dənizində təlimlərin başlanması ilə bağlı məlumat yayıb. 06В