![Açiq mənbələrdən foto.](https://turan.az/resized/media/2020/main/072300029033-750-500-resize.webp)
Açiq mənbələrdən foto.
XİN Azərbaycanın diplomatik nümayəndəliklərinə hücum edən erməni təxribatçıların cəzalandırılmasını tələb edir
Bakı/23.07.20/Turan: Azərbaycan XİN Azərbaycanın Los-Anceles və Brüsseldəki diplomatik missiyalarının binalarının yaxınlığında erməni diasporunun nümayəndələrinin zorakılıq hərəkətlərilə bağlı bəyanatla çıxış edib.
“Fransa, Böyük Britaniya, İsveç, Polşa, Avstraliya, ABŞ, Niderland, Belçikada Azərbaycanın diplomatik nümayəndəliklərinin binalarına, eləcə də bu ölkələrdə dinc yolla fikirlərini ifadə edən azərbaycanlı nümayişçilərə qarşı törədilən erməni təxribatları özündə vandalizm və terror elementlərini ehtiva etməklə və bilərəkdən azərbaycanlı icmaların üzvlərinə, diplomatlara və onların mülklərinə xəsarət yetirmək məqsədini güdməklə cinayət məsuliyyəti doğuran əməllər kimi səciyyələndirilir”, - sənəddə qeyd edilir.
Radikal erməni qüvvələrinin bu vandalizmi nə Azərbaycan, nə də erməni terrorizmi ilə üzləşmiş digər ölkələr üçün yeni bir şey deyil. Belə ki, 1970-1980-ci illərdə ASALA və digər erməni terror təşkilatları 70-dən çox insanı qətlə yetirib, 22 ölkədə 235-dən çox terror aktı törədib, bu terror aktları zamanı 24 türk diplomatı həlak olub.
“Biz erməni radikal ünsürlərinin azərbaycanlı diplomatlara, eləcə də bu ölkələrdə azərbaycanlı icmaların üzvlərinə qarşı nifrətə əsaslanan cinayətkar hərəkətlərini qətiyyətlə pisləyirik və müvafiq ölkələrdə bu cür təxribatların qarşısının alınmasına cavabdeh olan qurumların öz vəzifələrinə məsuliyyətlə yanaşmasını gözləyirik”, - bəyanatda bildirilir.
Sənəddə deyilir ki, Azərbaycan tərəfi dost ölkələrə müraciət edərək Azərbaycanın diplomatik nümayəndəliklərinin mühafizəsinin, diplomatların toxunulmazlığı və təhlükəsizliyinin, həmçinin soydaşların təhlükəsizliyinin möhkəmləndirilməsinə diqqəti artırmağa çağırır.
“Azərbaycan tərəfi radikal erməni qüvvələrinin törətdiyi vandalizm aktlarının aidiyyatı dövlətlərin hüquq- mühafizə orqanları tərəfindən araşdırılmasını və bu cinayətləri törədənlərin hərəkətlərinə hüquqi qiymət verilməsini tələb edir”, - bəyanatda deyilir. -02D-
-
- Söz istəyirəm
- 23 İyul 2020 15:21
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz