XİN və AFFA �Dyudelanj-Qarabağ� maçındakı təxribatın müəllifini cəzalandırmağı tələb edib

Bakı/04.10.19/Turan: Azərbaycan XİN "Dyudelanj" (Lüksemburq) - "Qarabağ" futbol komandalarının oyunu zamanı təxribatla bağlı vəziyyəti izləyir və təqsirkarların cəzalandırılmasını gözləyir. Bu barədə Azərbaycan XİN-in mətbuat xidmətinin rəhbəri Leyla Abdullayeva bildirib.

Akkreditə edilmiş səfirə Lüksemburq XİN-lə əlaqə saxlamaq və təxribatda təqsiri olanların tapılıb müvafiq cəzanı çəkəcəklərindən əmin olmaq tapşırılıb, deyə o, Tvitter-dəki mikrobloqunda yazıb.

Öz növbəsində, Azərbaycan Futbol Federasiyaları Assosiasiyası (AFFA) da bu təxribatla bağlı bəyanatla çıxış edib.

Oktyabrın 4-də AFFA UEFA-ya rəsmi şikayət verərək, müvafiq tədbirlər görülməsini tələb edib.

""Jozi Bartel" stadionunda baş verənlər, hər şeydən əlavə, futbolçuların təhlükəsizliyini şübhə altına qoyub. Ümid edirik ki, gələcəkdə bu cür halların baş verməməsi üçün tədbir görüləcək", deyə bəyanatda bildirilir.

AFFA UEFA-nın araşdırma aparacağından və zəruri qərarları qəbul edəcəyindən əmindir. AFFA bütün maçların UEFA və FİFA-nın himayəsi altında, qarşılıqlı hörmət çərçivəsində keçirilməsi ideyasını dəstəkləyir və futbol oyunları zamanı istənilən siyasi təxribatları qəti şəkildə pisləyir. -06D-