![Xocalı qurbanlarının anım mərasimi davam edir](https://turan.az/resized/750/500/resize/media/2013/main/022600029822.jpg)
Xocalı qurbanlarının anım mərasimi davam edir
Bakının Xətai rayonunda Xocalı soyqırımı qurbanlarının xatirəsinə ucaldılmış abidə önündə anım mərasimi davam edir. Artıq yüz minlərlə insan Xocalı şəhidlərinin xatirəsini yad edib.
Turan-ın müxbirinin verdiyi məlumata görə, günorta saatlarına qədər çoxsaylı ölkələrin diplomatik korpuslarının təmsilçiləri, ziyalılar, siyasi partiyalar, vətəndaş cəmiyyətləri, hərbiçilər, məktəb şagirdləri, tələbələr, din xadimləri qurbanların xatirəsini yad edib.
Abidənin önündə çoxsaylı xarici və yerli media orqanlarının müxbirləri var. Faciə qurbanlarının abidəyə həkk olunmuş adları önündə isə onların qohumları göz yaşı axıdır.
Faciə qurbanlarından birinin yaxını Turan-ın müxbirinə deyib ki, onun qonşuları rus ailəsi olub. “Ermənilər rus ailəsinin 3 üzvünü diri-diri evində yandırdı. Bu Yuliyanın həlak olmuş oğlumun ad günündə ona bağışladığı gül qabıdır. Mən bu hədiyyəni ömrümün sonunadək özümlə gəzdirəcəyəm”, - deyə o göz yaşları içərisində bildirir.
“Mən ailəmin 7 üzvünü itirmişəm. Onların taleyindən indi də xəbərim toxdur. Hər gün oğlanlarımın və həyat yoldaşımın yolunu gözləyirəm. 5 və 7 yaşlı nəvələrimin günahı nə idi? Onları gözümün qarşısında güllələdilər”, - deyə digər faciə şahidi Turan-a bildirib.
Hazırda anım mərasimi davam edir. Bir qədər öncə İslam Partiyasının, Qarabağ blokunun üzvləri qurbanların xatirəsini yad edib. İndiki anda isə İctimai Palatanın qurbanların xatirəsinin yad edəcəyi gözlənilir. -03B-
-
- İqtisadiyyat
- 26 Fevral 2013 13:18
-
- İqtisadiyyat
- 26 Fevral 2013 14:47
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz