Xorvatiya Azərbaycan ilə əlaqələri daha da genişləndirmək niyyətindədir
İyulun 5-də Bakıda Xorvatiyanın milli bayramı – Dövlətçilik Günü və bu ölkənin Avropa İttifaqına üzv seçilməsi münsibətilə mərasim keçirilib.
Mərasimdə Azərbaycan Milli Məclisinin sədri Oqtay Əsədov, Xorvatiya parlamentinin spikeri İosip Leko, Milli Məclisin deputatları, Azərbaycanda akkreditə olunmuş diplomatik korpusun və beynəlxalq təşkilatların nümayəndələri və digər qonaqlar iştirak edirlər.
Mərasimi giriş sözü ilə açan Xorvatiya parlamentinin spikeri İosip Leko bildirib ki, Azərbaycan ilə Xorvatiya arasında qarşılıqlı maraqlara əsaslanan səmərəli əməkdaşlıq qurulub.
“Bu bayramların Azərbaycanda qeyd olunması tarixi hadisədir. Xorvatiya Azərbaycana yeni diplomatlarını göndərməklə əlaqələri daha yüksək səviyyəyə qaldıracaq” deyə Xorvatiyalı spiker qeyd edib.
Onun sözlərinə görə, hər iki ölkənin tarixi oxşarlıqları var, çünki hər iki ölkə torpaqlarının işğal edilməsinə məruz qalıb.
Eyni zamanda, İ.Leko qeyd edib ki, Azərbaycan ilə Xorvatiya beynəlxalq təşkilatlar çərçivəsində də səmərəli əməkdaşlıq edir. Xorvatiya Azərbaycan ilə iqtisadi əməkdaşlığı daha da genişləndirmək niyyətindədir.
Öz növbəsində Milli Məclisin sədri Oqtay Əsədov da xorvatiyalı həmkarının dedikləri ilə həmfikir olduğunu və gələcəkdə Azərbaycan-Avropa İttifaqı çərçivəsində fəal əməkdaşlıq edəcəyini deyib.
Mərasimdə Üzeyir Hacıbəyli adına Bakı Musiqi Akademiyasının orkestri və xorvatiyalı violonçel ifaçısı Anna Ruçneri çıxış edib. Qonaqlar Demis Markiçin “Xorvat motivləri” adlı fotosərgisi ilə də tanış olublar.-16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz