Yadigar Sadıqov 14 saylı cəzaçəkmə müəssisəsinə köçürülüb
Müsavat Partiyasının müşaviri, dörd il müddətinə azadlıqdan məhrum edilmiş Yadigar Sadıqov Şüvəlan istintaq təcridxanasından Bakının Qaradağ rayonunun Qızıldaş qəsəbəsində yerləşən 14 saylı cəzaçəkmə müəssisəsinə köçürülüb.
Sadıqovun Hüquqlarını Müdafiə Komitəsindən Turan-a verilən məlumata görə, iyulun 22-də Apellyasiya Məhkəməsinin qərarından sonra Sadıqov Salyan rayonunun Xələc qəsəbəsindəki cəzaçəkmə müəssisəsinə köçürülməli idi.
Şüvəlan istintaq təcridxanasının rəhbərliyi inandırırdı ki, belə də olacaq. Lakin avqustun 2-də Sadıqov Qızıldaşa aparılıb və bunu 2 gün doğmalarından gizlədiblər.
“Birincisi, bu, qanun pozuntusudur, belə ki, məhbusun saxlanma yerinin dəyişməsi haqqında doğmalarına dərhal məlumat verilməlidir. Yalnız israrlı xahişlərdən sonra bizə Yadigar Sadıqovun saxlanma yeri haqqında məlumat veriblər”, deyə vəkil bildirib.
İkincisi, Sadıqovun işində Cəzaların Çəkilməsi Məcəlləsinin daha bir maddəsi pozulub – məhkumlar cəzalarını yaşayış yerlərinə yaxın müəssisədə çəkirlər.
Öz növbəsində, Penitensiar Xidmətdən Sadıqovun hüquqlarının pozulduğunu təkzib edirlər, qohumlarına onun saxlanıldığı yer haqqında məlumat verildiyini iddia ediblər.
Cəzanın yaşayış yerinə yaxın cəzaçəkmə müəssisəsində çəkilməsinə gəlincə, bu norma mütləq şərt deyil və bunu Penitensiar Ximət həll edir.
Qeyd edək ki, Qızıldaşdakı cəzaçəkmə müəssisəsi tikinti materialları karxanalarının yaxınlığındadır və ekologiya nöqteyi-nəzərdən ən əlverişsiz yer hesab olunur.
* Yadigar Sadıqov 27 iyun 2013-cü ildə guya iyunun 25-də çayxanada Sadıqovun onu döydüyünü iddia edən Lənkəran sakini Rəşid Kərimovun şikayəti əsasında saxlanılıb. Sadıqov 6 il müddətinə azadlıqdan məhrum edilib.
Hüquq müdafiə təşkilatları hesab edirlər ki, Sadıqov müxalifət fəaliyyətinə və sosial şəbəkələrdə fəallığına görə siyasi motivlərlə təqib edilir. Sülh və Demokratiya İnstitutu onu “İsaxan Aşurov” hüquq müdafiə mükafatına layiq görüb. -06B-
-
- Siyasət
- 4 Avqust 2014 19:25
Siyasət
-
Çərşənbə günü dövlət başçısı İlham Əliyev Böyük Britaniyanın beynəlxalq enerji və iqlim üzrə naziri Keri Makkartini qəbul edib.
-
Oktyabrın 9-da dövlət başçısı İlham Əliyev BMT Baş katibinin birinci müavini Amina Mohammedi qəbul edib və onunla COP29-a hazırlıq məsələlərini müzakirə edib.
-
Gürcüstanda həbsdə olan Azel TV saytının rəhbəri Əfqan Sadıqov vəziyyətinin ağır olmasına baxmayaraq, penitensiar müəssisənin xəstəxanasında aclığı davam etdirir və tibbi yardımdan imtina edir, bu barədə Turan-a onun həyat yoldaşı bildirib.
-
Oktyabrın 9-da dövlət başçısı İlham Əliyev ABŞ Prezidentinin Beynəlxalq İqlim Siyasəti üzrə baş müşaviri Con Podestanı qəbul edib. Podesta COP29-la bağlı azərbaycanlı həmkarlarla çox səmərəli və məhsuldar söhbətlərin aparıldığını deyib və Azərbaycan prezidenti ilə COP29 barədə fikir mübadiləsi aparmaqdan məmnunluq hissi keçirdiyini vurğulayıb.
Rəy yaz