Yaponiyanın baş naziri Rusiyanın təcavüzünə qarşı xəbərdarlıq edib: “Ukrayna sabah Şərqi Asiyaya çevrilə bilər"

Çərşənbə günü Yaponiyanın baş naziri Fumio Kisida Ağ Evə xəbərdarlıq edib ki, "Ukrayna sabah Şərqi Asiyaya çevrilə bilər". Bu səbəbdən o və prezident Co Bayden Çinin Tayvan və Cənubi Çin dənizinə ekspansiyası qarşısında daha güclü hərbi əlaqələr quracaqlar, Turan-ın Vaşinqton müxbiri bildirib.

Çərşənbə günü Oval kabinetdə görüşdən sonra iki lider reportyorlara bildirib ki, Hind-Sakit okeanı bölgəsində və ya dünyanın digər yerlərində güc və ya məcburiyyət yoluyla status-kvonu dəyişdirmək üçün birtərəfli cəhdlər qəbuledilməzdir və "qətiyyətli" hərəkətlərlə qarşılanacaq.

Yaponiya ABŞ-ı Rusiyanın Ukraynadakı təcavüzünə qarşı dəstəkləyir. Onun sözlərinə görə, "bu gün Ukrayna sabah Şərqi Asiyaya çevrilə bilər".

Bayden ABŞ və Yaponiya arasında təhlükəsizlik sahəsində əlaqələrin yenilənməsini 1951-ci ildə ikitərəfli alyansın imzalanmasından bəri münasibətlərdə "ən əhəmiyyətli" dəyişiklik adlandırıb. Bu, Avstraliya üçün əlverişli olacaq yeni ümumi hava və raket əleyhinə müdafiə arxitekturasını əhatə edəcək, prezident deyib.

Kişida-Bayden sammiti ötən gün Filippin prezidenti Ferdinand Markosun iştirakı ilə üçtərəfli görüş ərəfəsində baş tutub.