Yaşar Cəfərli: Səfər Əbiyev təxribatla məşğuldur

Müdafiə Nazirlyinin bir qrup əməkdaşı “Ehtiyatda olan Zabitlər Birliyi”nin müdafiə naziri Səfər Əbiyevlə bağlı bazar ertəsi kçeirmək istədiyi dəyirmi masanı pozmaq cəhdi edib. 

Belə ki, Müdafiə Nazirliyinin 7 nəfər fəaliyyətdə olan mayor və polkovnik-leytenant rütrbəli zabiti hər-hansı dəvət olmadan dəyirmi masaya qatılıblar. Özü də bu zabitlər çəkiliş aparmaq üçün tədbirə kamera, audio avadanlıqlar gətiriblər. 

Birliyin rəhbəri Yaşar Cəfərli bu zabitlərdən tədbirə dəvətli olmadıqları üçün otaqdan çıxmalarını tələb edib. Zabitlər isə birliyin şəffaf fəaliyyət göstərməli olması “arqumenti”nə söykənərək, çıxmaqdan imtina ediblər. O zaman Y.Cəfərli müdafiə naziri Səfər Əbiyevə ünvanladığı bir çox suallara cavab vermələrini istəyib. Təbii ki, nazirlik əməkdaşları bunu edə bilməyiblər. Bundan sonra Y.Cəfərlinin növbəti təkidi başlayıb və zabitlər otqadan çıxmağa məcbur olublar.

Hadisəyə qiymətləndirmə verən Y.Cəfərli nazir S.Əbiyevin zabitləri tədbirə göndərməsini “zabitləri üz-üzə qoymaq cəhdi” və “nazirin təxribatla məşğul olması” adlandırıb. -05-