Yaşıl Enerji Dəhlizi Avropanın maraqlarına uyğundur

İqlim məsələləri üzrə Avropa Komissarı Vopke Hukstra Noyabrın 18-də COP29 çərçivəsində Bakıda mətbuat konfransı keçirib.

Turan Agentliyi ona belə bir sual verib: Aİ yaşıl enerjinin Azərbacandan Avropaya nəqli layihələrinin həyata keçirilməsinə necə kömək edə bilər? 

Suala mətbuat konfransında iştirak edən, hazırda Avropa İttifaqı Şurasına sədrlik edən Macarıstanın energetika məsələləri və iqlim siyasəti üzrə Dövlət Katibi Attila Ştayner cavab verib.

Düşünürəm ki, bir çox təşəbbüslər var, çünki bu region Avropanın enerji təchizatının şaxələndirilməsi variantı kimi dəyərləndirilir. Aİ-nin bir sıra üzvləri, həmçinin Avropa Komissiyası bunu etiraf edir. Aydındır ki, Yaşıl Enerji Dəhlizi məhz belə bir təşəbbüsdür", deyə o qeyd edib. 

"Aİ-nin enerji, xüsusən də təmiz enerji idxal etməsinin və tədarükü şaxələndirməsinin daha yaxşı olacağını düşünürəm. Odur ki, bu layihə bizim strateji məqsədlərimizə açıq şəkildə uyğundur", deyə o vurğulayıb.