Yəhudi icmasının nümayəndələri və azərbaycanlılar İsraillə həmrəylik nümayiş etdiriblər

Bakı/16.10.23/Turan: Oktyabrın 15-də birlik və həmrəylik nümayişi olaraq yəhudi icmasının və azərbaycanlıların yüzlərlə nümayəndəsi Bakıdakı Dağ Yəhudiləri sinaqoquna gedərək HƏMAS-ın terror hücumları nəticəsində 1300 dinc sakinin həlak olması ilə bağlı başsağlığı veriblər və dəstəklərini ifadə ediblər. Bu barədə Turan-a İsrailin Azərbaycandakı səfirliyindən bildiriblər.

Məlumatda qeyd olunur ki, çıxış edənlər insanlığa qarşı bu dəhşətli cinayətləri qətiyyətlə pisləyiblər.

“Bu çətin anlarda biz həmrəyik və insanlığa sadiqliyimizi dəstəkləməkdə tam qətiyyətliyik”, - Dağ Yəhudiləri İcmasının lideri Milix Yevdayev deyib.

İsrailin Azərbaycandakı səfiri Corc Dik qeyd edib ki, HƏMAS yəhudi dövlətini məhv etmək üçün çətin yol seçib. Odur ki, bununla mübarizə çox uzun və çətin yol ola bilər.

“Ancaq bir şey aydındır, danılmaz və qaçılmazdır: Biz qalib gələcəyik", - məlumatda deyilir.

Faciəvi şəkildə həlak olan 1300 israillinin xatirəsinə dualar oxunub, şamlar yandırılıb.

“Bu qüdrətli məqam yəhudi icmasının və Azərbaycan xalqının ən qaranlıq günlərdə İsraillə yan-yana dayanaraq göstərdiyi həmrəyliyinin sübutudur” – Israil səfirliyinin məlumatında deyilir. 16В06