Yeni Böyükşor-Pirşağı yolu açılıb
Noyabrın 7-də paytaxtı Abşeronun şimal sahili ilə birləşdirəcək yeni Böyükşor-Pirşağı yolunun açılışı olub. Rəsmi məlumata görə, mərasimdə dövlət başçısı İlham əliyev iştirak edib.
Yolun uzunluğu 12,7 kilometrdir. Balaxanı qəsəbəsindən başlayır və Digah, Məhəmmədli və Kürdəxanı qəsəbələrindən keçir.
Yol 1b texniki dərəcəyə uyğun olaraq ən müasir tələblər səviyyəsində inşa edilib və 6 hərəkət zolağından ibarətdir.
Yolun hər iki istiqaməti üzrə velosiped zolaqları salınıb, yolboyu müasir işıqlandırma sistemi quraşdırılıb. Yolun 3-cü kilometrində elektrik avtomobilləri üçün enerjidoldurma qurğuları quraşdırılıb, məlumatda deyilir.
Qeyd edək ki, bu yol Sea Breeze kompleksini paytaxtın mərkəzilə birləşdirəcək və digər iki yolu Bakı ilə şəhərətrafı arasında hərəkət edən nəqliyyat axınından azad edəcək. Lakin şəhərdən çıxarkən avtomobillərin bu yolla gedişinin necə təmin ediləcəyi hələlik məlum deyil.
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz