Bakı/20.01.22/Turan: Azərbaycanla sülh müqaviləsinin hazırlanması və imzalanması bir sıra şərtləri nəzərdə tutur. Bunu cümə axşamı Ermənistan Təhlükəsizlik Şurasının katibi Armen Qriqoryan jurnalistlərə bildirib.
"Biz hərtərəfli sülh müqaviləsi üzərində işləməyə davam edəcəyik. Bundan ötrü Qarabağ probleminin danışıqlar və siyasi mexanizmlər yoluyla, həmçinin ATƏT-in Minsk Qrupunun həmsədr "üçlüyü" çərçivəsində həlli tapılmalıdır", - “Sputnik Armenia” Qriqoryandan sitat gətirib.
Bundan öncə Azərbaycan prezidentinin köməkçisi Hikmət Hacıyev bildirib ki, Bakı mümkün sülh sazişinin imzalanması ilə bağlı danışıqlara başlanılması üçün Yerevandan cavab gözləyir.
Gələcək danışıqlarda Qarabağın statusu ilə bağlı Ermənistanın mövqeyinin necə olacağı barədə sualın cavabında Qriqoryan deyib ki, "status məsələsində heç bir məhdudiyyət olmamalıdır". Başqa sözlə, Yerevan Qarabağı Azərbaycanın bir hissəsi kimi tanımaqdan imtina edir. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz