![Yerevan Qarabağ nizamlanmasına hər yolla mane olur - İ.Əliyev](https://turan.az/resized/media/2019/main/030500017236-750-500-resize.webp)
Yerevan Qarabağ nizamlanmasına hər yolla mane olur - İ.Əliyev
Bakı/05.03.19/Turan: Bu gün Azərbaycan prezidenti İlham Əliyevin ATƏT-in fəaliyyətdə olan sədri, Slovakiyanın XİN başçısı Miroslav Layçakla görüşündə Qarabağ nizamlanması ilə bağlı vəziyyət müzakirə olunub.
Əliyev Layçakın səfərinin regionda vəziyyətin müzakirəsi və Qarabağ münaqişəsinin nizamlanması üçün əhəmiyyətini qeyd edib.
Layçak qeyd edib ki, Qarabağ nizamlanmasında vasitəçilik onun ATƏT-ə sədrliyi dövründə prioritetlərdən biridir.
Əliyev qeyd edib ki, Azərbaycan nizamlanmada ən maraqlı tərəfdir, belə ki, onun əraziləri işğal edilib və 1 milyondan çox azərbaycanlı qaçqına və məcburi köçkünə çevrilib.
Danışıqlar prosesinin iki ölkənin XİN başçıları arasında dörd görüşdə, habelə Azərbaycan prezidenti və Ermənistan baş nazirinin üç görüşündə əksini tapan dinamikasına baxmayaraq, "Yerevan substantiv danışıqlar aparmaq üçün ciddi istək nümayiş etdirmir və hər yolla Qarabağ nizamlanmasına mane olmağa çalışır", deyə Əliyev bildirib.
"Beynəlxalq ictimaiyyətin danışıqlarda irəliləyiş əldə edilməsi və Ermənistan silahlı qüvvələrinin Azərbaycanın işğal edilmiş ərazilərindən çıxarılması üçün Ermənistana ciddi təzyiq göstərməsi çox vacibdir", deyə prezident qeyd edib.
Görüşdə ATƏT gündəliyindəki digər məsələlər, Azərbaycan və Slovakiya arasında münasibətlərin inkişaf perspektivləri də müzakirə olunub. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz