![Hakimiyyət Müsavat-ın yürüş-mitinqinə icazə verməyib](https://turan.az/resized/media/2019/main/030500017237-750-500-resize.webp)
Hakimiyyət Müsavat-ın yürüş-mitinqinə icazə verməyib
Bakı/05.03.19/Turan: Bakının icra hakimiyyəti Müsavat Partiyasının martın 10-da yürüş-mitinq keçirməsinə icazə verməyib. Bu barədə partiya sədrinin müşaviri Razim Əmiraslanlı bildirib.
Şəhər administrasiyası aksiya keçirilməsini məqsədəuyğun bilməyib və bunu partiyanın təklif etdiyi marşrutlarda nəqliyyatın hərəkət sıxlığı ilə əsaslandırıb.
Müsavat Partiyasının mətbuat xidmətinin rəhbəri Mustafa Hacıbəyli şəhər hakimiyyətinin qərarını "qanunsuz" adlandırıb.
"Növbəti dəfə Azərbaycanda toplaşmaq azadlığı pozulub.
Yüksək vəzifəli şəxslərin və hətta onların ailə üzvlərinin rahatlığı və təhlükəsizliyi üçün Bakıda müntəzəm olaraq nəqliyyatın hərəkəti saatlarla dayandırılır", deyə Hacıbəyli bildirib.
O qeyd edib ki, Müsavat şəhər kənarında: metronun "Azadlıq" stansiyasından "Dərnəgül" stansiyasına qədər və "20 yanvar" stansiyasından "Məhsul" stadionuna qədər iki mümkün marşrut üzrə nümayiş keçirməyi təklif edib.
"1 saatlıq cəmi bir küçədə nəqliyyatın hərəkətini dayandırmaq kifayət idi. Sadəcə olaraq hakimiyyət iştirakçıların sayının çox olacağından ehtiyatlandığı üçün aksiyaya icazə verməyib. Əks halda alternativ marşrut təklif edərdi. Onlar harada olursa olsun, insanların toplaşmasından qorxur ", deyə Hacıbəyli bildirib.
Aksiya siyasi məhbuslara azadlıq, korrupsiyaya qarşı mübarizə və sosial problemlərin həlli tələbi ilə təyin edilmişdi. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz