Yerevan sülh sazişinə dair növbəti təkliflər paketini Bakıya verib və sərhədlərin delimitasiyası məsələsini müzakirə edir
Yerevan sülh sazişinə dair növbəti təkliflər paketini Bakıya verib və sərhədlərin delimitasiyası məsələsini müzakirə edir
Ermənistan sülh sazişinin bağlanmasına dair növbəti təkliflər paketini Azərbaycana verib. Bu barədə aprelin 8-də respublika Xarici İşlər Nazirliyinin mətbuat katibi Ani Bədəlyan bildirib.
“Ermənistan sülh sazişi layihəsilə bağlı Azərbaycan tərəfinin son təkliflərinə cavab verib. Söhbət təkliflərin səkkizinci redaksiyasından gedir”, - o deyib.
Bundan öncə Ermənistan hakimiyyəti bildirib ki, Yerevan və Bakı arasında sülh sazişinin iki əsas bəndi həll olunmamış qalır. Bunlar 1991-ci il Alma-Ata bəyannaməsinə əsasən ərazi bütövlüyünün qarşılıqlı tanınması və onun əsasında sərhədlərin delimitasiyası, həmçinin kommunikasiyaların ərazisindən keçdikləri ölkənin yurisdiksiyası altında açılmasıdır.
Aprelin 9-da Ermənistan parlamentində Ermənistan-Azərbaycan sərhədinin delimitasiyası üzrə qapalı müzakirələr başlayıb. Müzakirələrə müxalifətdən 10 deputat buraxılmayıb. Həmçinin iclasdan əvvəl bütün iştirakçılardan mobil telefonları alıblar.
Siyasət
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacıyev X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
Rəy yaz