Yerevanda Rusiya Müdafiə Nazirliyinin nümayəndə heyəti sülhməramlı kontingentin Qarabağdan gediş vaxtını müzakirə edəcək

Bakı/06.10.23/Turan: Cümə günü Rusiya Müdafiə Nazirliyinin nümayəndə heyəti Rusiya sülhməramlı kontingentinin Qarabağdan gediş müddətini müzakirə etmək üçün Yerevana səfər edəcək. Bu barədə TASS diplomatik mənbələrə istinadən bildirib.

"Bu gün Rusiya Müdafiə Nazirliyinin nümayəndə heyəti Yerevana gedəcək. Erməni tərəfilə görüşdə Rusiya sülhməramlı kontingentinin  Dağlıq Qarabağdan getməsinin konkret vaxtı müzakirə olunacaq", - mənbə bildirib.

Öz növbəsində, Rusiya xarici işlər nazirinin müavini Sergey Verşinin bildirib ki, Moskva ötən bazar günü Qarabağa səfər edən Birləşmiş Millətlər Təşkilatının birgünlük missiyasının hesabatını gözləyir.

“Birləşmiş Millətlər Təşkilatının birgünlük missiyası bu vəziyyətdə mümkün olanı etdi, bu isə sakinlərin sorğusu və baş verənlərin infrastruktura, ilk növbədə Dağlıq Qarabağdakı mülki obyektlərə nə dərəcədə təsir etdiyini yoxlamaqdır", - o qeyd edib. "Hələlik daxil olanlar [missiyanın hesabatından] ciddi dağıntıların olmadığını, dini tikililərə və digərlərinə ziyan dəymədiyini göstərir", - rusiyalı diplomat deyib. 06B