Prezidentliyə namizədliyini irəli sürmüş Milli Məclisin deputatı Zahid Oruc Ana Vətən Partiyasının sıralarından xaric edilib.
Ana Vətən Partiyasının sədri Fəzail Ağamalı Turan-a bildirib ki, partiyanın Mərkəzi Nəzarət Təftiş Komissiyasının avqustun 15-də Ali Məclisin üzvü Zahid Orucun prezident seçkilərində iştirakı ilə bağlı məsələni müzakirə edib.
Partiyanın mətbuat xidmətinin məlumatında isə deyilir ki, prezident seçkilərində iştirak Zahid Orucun konstitusion hüququdur.
“Amma Ana Vətən Partiyasının rəhbər orqanlarında təmsil olunan Zahid Oruc partiyanın VI qurultayının prezident seçkilərində İlham Əliyevin namizədliyinin dəstəklənməsi və irəli sürülməsi haqqındakı qərarından məlumatlı olub. O, partiyanın mərkəzi qurumlarını məlumatlandırmadan prezidentliyə namizədliyini irəli sürüb. Beləliklə, partiyanın VI qurultayının iradəsinə qarşı çıxıb və partiya nizamnaməsinin bir neçə müddəasını pozub. Ana Vətən Partiyasının Mərkəzi Nəzarət Təftiş Komissiyası Zahid Orucun partiya sıralarından azad olunması haqqında qərar qəbul edib”, - məlumatda qeyd olunur. -03B-
Siyasət
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
-
Azərbaycan "Sputnik-Azərbaycan" və BBC News Azərbaycanca redaksiyalarının işini məhdudlaşdıracaq. Bu barədə fevralın 13-də hökumətyönlü KİV məlumatlı mənbəyə istinadən bildirib.
Rəy yaz