![Zakir Həsənov: İsrail Azərbaycan vasitəsilə İrana hücum edə bilməz](https://turan.az/resized/media/2014/main/041500075572-750-500-resize.webp)
Zakir Həsənov: İsrail Azərbaycan vasitəsilə İrana hücum edə bilməz
Azərbaycanın müdafiə naziri Zakir Həsənov İrana səfəri çərçivəsində Tehranda İran Silahlı Qüvvələrinin Baş Qərargah rəisi, general-polkovnik Seyid Həsən Firuzabadi ilə görüşüb. Xəbəri İran KİV-ləri yayıb.
Görüşdə ikitərəfli hərbi əməkdaşlıq, eləcə də regional təhlükəsizlik məsələləri əsas müzakirə mövzusu olub. H.Firuzabadi bildirib ki, Azərbaycanın müdafiə naziri və rəhbərlik etdiyi nümayəndə heyəti İran istehsalı olan silah-sursatlarla və digər texnikalarla yaxından tanış olub və müəyyən razılıqlar əldə edilib.
Aprelin 15-də Zakir Həsənov Tehranda həmkarı Hüseyn Dehqanla birgə keçirdiyi mətbuat konfransında jurnalistlərin suallarını cavablandırıb, xəbəri “Mehr” agentliyi yayıb.
İsrail hərbi bazalarının yerləşdirilməsinə dair suala cavabda Z.Həsənov bildirib ki, Azərbaycanın ərazisindən qonşu ölkələri heç bir təhlükə gözləmir: “Biz buna icazə verməyəcəyik. Biz həmişə beynəlxalq və regional qurumlarda ölkəmizin bu rəsmi siyasətini aşkar bəyan etmişik”. O, həmçinin xatırladıb ki, Azərbaycan Konstitusiyasına görə, Azərbaycan ərazisində üçüncü ölkənin hərbi bazası yerləşdirilə bilməz.
Öz növbəsində, Hüseyn Dehqan Azərbaycanın ərazi bütövlüyünu dəstəklədiyini deyib. O, həmçinin Birləşmiş Millətlər Ermənistan tərəfindən işğal olunmuş Azərbaycan torpaqlarının 20 faizi sərbəst buraxılmasını tələb edən dörd qətnamə verdiyini deyib.
Qeyd edək ki, Z.Həsənov İranın müdafiə və silahlı qüvvələrə dəstək naziri, general-mayor Hüseyn Dehqanın dəvəti ilə aprelin 14-dən qonşu ölkədə səfərdədir. -16D04-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz