Maria Zakharova.
Zaxarova açıq şəkildə bildirir ki, Qarabağ sülhməramlılar olmadan yaşaya bilməz
Bakı/02.08.23/Turan: Ermənistan rəhbərliyi Dağlıq Qarabağı Azərbaycan ərazisi kimi tanıdıqdan sonra Rusiyanın ünvanına səylərinin yetərli olmaması ilə bağlı hər hansı iddia yersiz görünür. Bu barədə çərşənbə günü Moskvada keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
“Rusiya sülhməramlılarının Dağlıq Qarabağdan çıxarılması ilə bağlı arqumentlər, xüsusən də indiki son dərəcə çətin humanitar vəziyyət fonunda tamamilə anlaşılmazdır. Bu,cənab Paşinyanın istəyidir? Hamıya məlumdur ki, sülhməramlılar mühüm funksiyaları yerinə yetirirlər. Doğrudanmı, bu fəaliyyət Ermənistan rəhbərliyi baxımından gərəksizdir, arzuolunmazdır və onlar sülhməramlıların getməsini istəyirlər?”, - deyə o bildirib.
Zaxarova onu da qeyd edib ki, “Ermənistan rəhbərliyi bir sıra əsas məsələlərdə tez-tez qeyri-müəyyən mövqe tutur, lakin istərdik ki, bu bənd üzrə qeyri-müəyyənlik olmasın”.
O bildirib ki, Rusiya Ermənistan-Azərbaycan münasibətlərinin normallaşması prosesinin irəliləməsində maraqlıdır.
“Bundan başqa, Rusiya Federasiyasının xüsusi əməliyyatı fonunda xarici siyasətin bəzi sahələrinin Moskva üçün daha az prioritet olması ilə bağlı söhbətlərin heç bir faktiki əsası yoxdur. Həqiqətin gözünün içinə baxmaq lazımdır. Yəqin ki, bunlar qiymətləndirmə mühakimələri, şəxsi fikirlər, bəlkə də emosiyalardır, amma faktları nəzərə almaq lazımdır", - deyib Zaxarova.
O, Paşinyanın konkret nə dediyini açıqlamayıb. Bununla belə, Paşinyan bir müddət əvvəl keçirdiyi mətbuat konfransında bildirib ki, Rusiyanın sülhməramlı kontingentinin Dağlıq Qarabağa yerləşdirilməsinin konkret məqsədi var. Bu, mülki əhali arasında kütləvi itkilərin qarşısını almaqdır. Rusiya Dağlıq Qarabağdan çəkilmək qərarına gəlsə, bu, minimum, o deməkdir ki, əhalinin kütləvi ölüm təhlükəsi artıq mövcud deyil. 0
-
- İqtisadiyyat
- 2 Avqust 2023 14:05
-
- Maliyyə
- 2 Avqust 2023 14:39
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
Rəy yaz