![Zaxarova Njdenin Yerevandakı abidəsi haqqında: Başa düşmürük, bu abidə niyə qoyulub](https://turan.az/resized/media/2016/main/061100158812-750-500-resize.webp)
Zaxarova Njdenin Yerevandakı abidəsi haqqında: Başa düşmürük, bu abidə niyə qoyulub
Yerevanda Qaregin Njdenin abidəsnin niyə qoyulduğu bizə aydın deyil. Bu barədə Moskvada keçirilən brifinqdə Rusiya XİN-in rəsmi nümayəndəsi Mariya Zaxarova bildirib.
Onun sözlərinə görə, Rusiyanın istənilən intibah formalarının təzahürləri, faşizmin, neonasizmin, nasizmin qəhrəmanlıq kimi qələmə veriləsi ilə bağlı mövqeyini hamı yaxşı bilir. “Bizə aydın deyil, bu abidə niyə qoyulub, axı biz hamımız erməni xalqının Böyük Vətən Müharibəsində qəhrəmancasına iştirak etdiyini yaxşı bilirik”, deyə Zaxarova qeyd edib.
O bildirib ki, Moskva üçün Ermənistan tərəfin tarixə münasibətinin göstəricisi 9 mayın Ermənistanda qeyd edilməsidir. “Bundan başqa, 17 dekabr 2015-ci ildə BMT Baş Assambleyasının 70-ci sessiyasında “Nasizmin, neonasizmin qəhrəmanlıq kimi təqdim edilməsinə və irqçiliyin müasir formalarının güclənməsinə şərait yaradan digər təcrübə növlərinə, irqi ayrı-seçkiliyə, ksenofobiyaya və onlarla bağlı dözümsüzlüyə qarşı mübarizə” adlı qətnaməsi qəbul edilib. Ermənistan bu qətnaməni dəstəkləyib. Bundan başqa, BMT səhnəsindən bu qətnaməni məhz Ermənistan nümayəndəsi oxuyub. Hesab edirik ki, Ermənistanın rəsmi mövqeyi məhz budur”, deyə Zaxarova fikrini tamamlayıb.
Xatırladaq ki, mayın 28-də Yerevanda Qaregin Njdenin abidəsinin açılışı olub, açılışda Ermənistan prezidenti Serj Sarkisyan da iştirak edib.
* Qaregin Njde (əsl adı Qaregin Ter-Arutyunyan) İkinci Dünya Müharibəsi illərində SSRİ üzərində qələbə qazanacaqları halda faşistləri dəstəkləməyə və Ermənistana qayıtmağa ümid edərək faşistlərlə əməkdaşlıq edib.
İkinci Dünya Müharibəsi illərində və müharibədən əvvəl o, bolqar birləşmələrinin tərkibində türklərə qarşı savaşıb.
Qafqazda sovet hakimiyyəti qurulduğu dövrdə Njde Zəngəzurun Azərbaycanın tərkibinə daxil edilməsinə yol verməmək üçün burada 32 Azərbaycan kəndinin məhv edilməsinə rəhbərlik edib.
Sonradan o, Daşnaksütun partiyasının fəal üzvü olub. İkinci Dünya Müharibəsi İllərində almanlar onu “Almaniya uğrunda həlak olan Ermənistan uğrunda həlak olur” deyərək, əsir erməniləri SSRİ-yə qarşı silahlı mübarizəyə qoşulmağa təşviq etməyə cəlb ediblər.
Njde 1945-ci ildə faşistlərin əlbiri kimi həbs edilib və 1955-ci ildə həbsxanada vəfat edib. -02D-
-
- İqtisadiyyat
- 11 İyun 2016 12:12
-
- Cəmiyyət
- 11 İyun 2016 13:23
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz