Bakı/19.07.23/Turan: Ukrayna prezidenti Vladimir Zelenski Azərbaycan rəhbərliyinə elektrik avadanlıqlarının tədarükü şəklində humanitar yardım göstərdiyinə görə təşəkkür edib. “Ukraynanın ehtiyacları üçün enerji avadanlıqlarının alınmasına yardımın göstərilməsi qərarını alqışlayıram. Dost Azərbaycanın bu dəstəyi təcavüzkarın davamlı hücumları qarşısında Ukraynanın enerji kompleksinin dayanıqlığının təmin edilməsi baxımından mühüm əhəmiyyət kəsb edir. Biz enerji sistemini qışa hazırlamaq üçün tərəfdaşlarımızla fəal işləməyə davam edirik”, – Zelenski Twitter-də yazıb.
İyulun 17-də Azərbaycan prezidenti İlham Əliyev Ukraynaya elektrik avadanlıqlarının alınması üçün 7,6 milyon dollar ayrılması haqqında sərəncam imzalayıb.—06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz