Bakının Nərimanov rayon məhkəməsində bu gün xuliqanlıqda ittiham olunan Xalq Cəbhəsi Partiyası sədrinin müşaviri Məmməd İbrahimə qarşı cinayət işinə baxılmasına başlayıb.
Əvvəlcə ittiham aktı elan edilib. Daha sonra zərərçəkmiş Mikayıl Quliyev çıxış edib, o, noyabrın 29-da İbrahimin metronun “Nəriman Nərimanov” stansiyası yaxınlığında onu “təhqir etdiyini, daha sonra isə vurduğunu” iddia edib.
Lakin müdafiə tərəfi Quliyevin bu ifadələri ilə istintaq zamanı verdiyi ifadələr arasında ziddiyyətlər olduğuna diqqət çəkib. Xüsusən, o, şahidlərin sayı, habelə münaqişənin mühüm təfsilatı ilə bağlı məsələlərdə çaşbaş qalıb.
Məhkəmə-tibb ekspertizasının materiallarında da müdafiə tərəfi nöqsanlar aşkar edib.
Belə ki, sənədlərdə “təcili yardımın” Quliyevə yardım etməsinin dəlili yoxdur.
Müdafiə tərəfin bu iradlarına cavab olaraq Quliyev özünü ədəbsiz aparır və vəkili və müttəhimi təhqir edirdi. Hakim Turqay Hüseynov buna kifayət qədər dözümlü yanaşırdı.
Lakin fasilədən sonra Quliyev gözlənilmədən məhkəməyə yazılı ərizə yazaraq, İbrahimə qarşı iradlarından imtina edib.
Növbəti iclas yanvarın 11-nə təyin edilib.
Xatırladaq ki, İbrahimin həbsinə partiyanın keçmiş üzvü, təşkilatı AXCP sədrinin keçmiş müavini Razi Nurullayevlə birlikdə tərk etmiş Mikayıl Quliyevin şikayəti səbəb olub.
Sentyabrın 29-da onlar arasında münaqişə baş verib. AXCP-də hesab edirlər ki, İbrahimə qarşı partiyanın gözdən salınması məqsədilə təxribat törədilib.
İlkin olaraq, İbrahimə qarşı CM-in 1 ilə qədər azadlıqdan məhrumetmə nəzərdə tutan 221.1-ci (xuliqanlıq) maddəsi ilə ittiham irəli sürülüb. Sonradan istintaq keçmiş tarixlə iki “zərərçəkmiş” cəlb edib və ittihamı 221.2.2-ci maddəyə tövsif edib. Bu maddə üzrə o, 5 ilə qədər azadlıqdan məhrum edilə bilər. -06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz