Bakı/12.05.23/Turan: Azərbaycanın Kəlbəcər rayonu ilə Ermənistanın Qeqarkunik rayonu sərhədindəki Zod qızıl mədəni ətrafında cümə günü axşam Azərbaycan və Ermənistan Silahlı Qüvvələri arasında artilleriya döyüşləri davam edib.
Azərbaycan Müdafiə Nazirliyinin məlumatına görə, düşmən tərəfi D-30 haubitsalarından, hücum pilotsuz uçuş aparatlarından və müxtəlif çaplı atıcı silahlardan istifadə edib. Itki yoxdur.
Ermənistan tərəfi də Azərbaycanın pilotsuz təyyarə və minaatanlardan istifadə etməsi, Kut və Zod kəndlərini atəşə tutması barədə məlumat verib.
Axşam saatlarında ermənilər bir nəfərin öldüyünü, bir nəfərin yaralandığını bildiriblər. -0-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz