İyulun 5-də Vidadi küçəsi, 10 ünvanında qeyri-adi oğurluq hadisəsi baş verib. Vətəndaş Yunus Nəcəfzadənin avtomobilinin 90 HN 100 arxa nömrə nişanı oğurlanıb.
Zərərçəkən Daxili İşlər Nazirliyinin 102 qaynar xəttinə, daha sonra Yasamal rayonunun 26-cı polis bölməsinə müraciət edib.
Bir aydan çox vaxt keçməsinə baxmayaraq, heç bir nəticə yoxdur. Polisə dəfələrlə edilən müraciətlər cavabsız qalır və ya oradan cavab verirlər: "Axtarırıq". Yunus Nəcəfzadə hesab edir ki, 26-cı bölmənin əməkdaşları onun işi ilə başdansovdu məşğul olurlar, çünki yaxınlıqdakı binaların müşahidə kameralarını yoxlamayıblar.
Problem təkcə nömrənin oğurlanmasında deyil, nömrə tapılmasa dublikat sifariş etmək mümkün deyil. Və ya zərərçəkən əvvəlki nömrədən imtina etməli və yenisini sifariş etməlidir. Ancaq o vaxta qədər avtomobildən istifadə edə bilməz. Yəni, faktiki olaraq avtomobildən məhrum olursan. Nömrənin heç vaxt tapılmayacağını təsəvvür etsək, avtomobildən "məhrumolma" qeyri-müəyyən müddətə uzanacaq.
Zərərçəkən Turan agentliyinə müraciət etdikdən sonra biz Daxili İşlər Nazirliyinin mətbuat xidmətinə sorğu göndərdik və bizi əmin etdilər ki, bu işlə məşğuldurlar və araşdırma aparılır. Ümid edirik ki, nəticə olacaq.-0-
Söz istəyirəm
-
Azərbaycan hökümətinin 10 il bundan qabaq başladığı və bu günə qədər yarımçıq qalmış olduqca vacib bir islahatdan qısaca bəhs etmək istəyirəm.
-
Bizim cəmiyyətdə işıqlı insanların yeri günəşin altı olmur. Bizim cəmiyyətdə işıqlı insanların yeri günəşin altı olmur. Qaranlıq zirzəmilər olur. İşıq saçmalı olan insanlara küfr yağdırılır. Onların yeganə silahları parlaq ideyalarıdır. Onların yeganə suçu cəmiyyətdə dumanların altında gizlədilmiş həqiqətləri dartıb üzə çıxarmaq və onunla cəmiyyət üzvlərini tanış etmək cəsarəti ilə bağlıdır. Natiq Cavadlı bir jurnalist olaraq belə bir tarix şüuruna və maarifçi bir fəaliyyətə malik insan idi.
-
2025-ci ilin qarşılandığı və Dünya Azərbaycanlılarının Həmrəyliyi Günü qeyd edildiyi müddətdə səfir Libby-nin bu mesajını sizinlə paylaşmaqdan məmnunuq.
-
Tanınmış hüquqşünas və media eksperti Ələsgər Məmmədli 2024-cü ilin mart ayından bəri saxlanıldığı həbsxanadan Azərbaycanlıların Həmrəylik Günü və Yeni il münasibətilə vətəndaşlara müraciət edib. Valyuta qaçaqmalçılığı ittihamı ilə həbs olunan Məmmədli bu ittihamları rədd edib və beynəlxalq media və insan hüquqları təşkilatları ittihamları siyasi motivli adlandırıb.
Rəy yaz