Ermənistan siyasi qayığı yırğalanır, xalq Paşinyanın devrilməsini tələb edir

Yerevanda baş nazir N.Paşinyanın Qarabağ əsilli keçmiş prezidentlər düşərgəsindən olan əleyhdarları fəallaşıb. Robert Koçaryan həbs cəzası çəkib, Serj Sarkisyan barəsində Ermənistan sərhədlərindən kənara çıxmağı qadağan edən hökm çıxarılıb. Məlumdur ki, Koçaryan müxtəlif ölkələrdən silah gətirilməsini təmin edir. Sarkisyanın partiyası Qarabağın müdafiəsindəki uğursuzluğu gələcək seçicilərin etimadını qaytarmaq üçün istifadə edir. Respublika Partiyasının (lideri S.Sarkisyan) mətbuat katibi Eduard Şarmazanov deyib: “Hazırki vəziyyət Nikol Paşinyanın uzaqgörən olmamasının nəticəsidir”.

“Enaket” (“Dayaq nöqtəsi”) Analitika Mərkəzinin təsisçisi və rəhbəri Tiqran Abramyan Ermənistanın dövlət gəmisinin necə yırğalandığını görərək, müraciət edib: “Dünəndən etibarən müəyyən daxili siyasi gərginliklərin müşahidə olunduğunu nəzərə alaraq, xatırlatmaq istəyirəm ki, cəbhə buradadır. İndi daxili düşmən axtarmağın, bir-birimizi parçalamağın zamanı deyil”.

Paşinyan erməni mətbuatında dövlətin haqlılığını və ordunun Azərbaycana qarşı döyüşmək iqtidarında olmasını şübhə altına qoyacaq məqalələr dərc etməyi qadağan edib. Amma Ermənistanda sosial şəbəkələr açıqdır. Ermənilər şəbəkələrdə Bakı ermənisi Artur Şaqidanyanın Qarabağı qanuni sahibinə - Azərbaycana vermək, Ermənistanın əsgər sayı ilə, texnika sayı ilə və diplomatiyası ilə uduzduğu müharibəyə son qoymaq çağırışı yer alan yazısını oxuyurlar.

Ermənistan müharibəyə hazır deyil, müharibə üçün onun heç nəyi yoxdur. Bir qarış Qarabağ torpağı üçün bu itkilərə dəyməz, - Artur belə hesab edir və erməniləri DQ-dən boş Yerevan təpəciklərinə köçürməyi, gürcülərdən, Saakaşvilidən sülh içində yaşamağı və öz ölkələrini qurmağı öyrənməyi, öz qədimiliyini yada salmağa son qoymağı təklif edir. “Mənim üçün xalqımın taleyi Qarabağdan daha çox əhəmiyyətlidir”, deyə Şaqidanyan bildirir.

Ukrayna vətəndaşı, Serafina nikli forum iştirakçısı məqalə müəllifinə oktyabrın 14-də Kiyevdə gördüklərini danışır:

“Dünən yaşadığım binanın həyətində ermənini (kirayə mənzildə qalır) gördüm. O, Paşinyana lənət oxuyurdu, deyir ki, o küçə degerenatı onsuz da zəif olan Ermənistan iqtisadiyyatını və siyasətini bərbad vəziyyətə salıb. Deyir, “özüm erməni olsam da, Ermənistan üçün məsələni təcili olaraq sülh yolu ilə həll etmək - əraziləri sahibinə güzəşt etmək daha yaxşı olacaq, bu, uşaqların həyatını xilas edəcək”. Bir də deyib ki, gənc erməni qızları sevgililərindən və həyat yoldaşlarından məhrum olublar və indi onları iranlılara ərə verəcəklər, iranlılar arasında isə 30 mln. azərbaycanlı yaşayır. Narahatdır ki, qeyri-ermənilər onların qızlarını “assimilyasiya edəcəklər”. Əhval-ruhiyyəsi düşkün idi.

Hesab edirəm ki, Ermənistan haqsızdır, kişi addımı ataraq, başqasının torpaqlarını qaytarmaq daha yaxşı olar. Bu, həm xalqı, həm Ermənistanı xilas edər. Qarabağ Azərbaycandır. Burada – Ukraynada birmənalı münasibət var və biz hər şeydən xəbərdarıq. Azərbaycana tezliklə qələbə arzu edirik.

Düşünürəm ki, Paşinyanı devirəcəklər və asacaqlar. O, tamamilə axmaqdır, öz xalqına belə məsuliyyətsiz yanaşmaq və gənc oğlanları ölümə göndərmək. Sonuncu və sonuncudan öncəki səfərbərlikdə gedənlər, demək olar ki, hamısı ölüb, əksəriyyəti 2000-2001-ci il təvəllüdlüdür. Paşinyan ucbatından Azərbaycan əsgərləri də ölür, çox heyf, amma onların motivasiyası var, belə ki, doğma torpaqları uğrunda döyüşürlər. Emrənilər isə, yaxşısı budur, ağ bayraq assınlar və qoşunlarını və silahlarını çıxarsınlar. Onda sülh olacaq və illər ərzində xalqlar da uzlaşacaqlar və yola gedəcəklər”, deyə Kiyev sakini məktubunda yazır.

Paşinyan məhz hadisələrin hərbi inkişaf ssenarisi nəzərə alınmaqla hakimiyyətə gətirilmiş marionetdir. Bəlkə də Paşinyan bunu ilk gündən bilirdi. Onda o, öz xalqının əsl satqını, liberal Qərb yaltağıdır. Soros və onun fahişəsi Berbar Anri Levinin tamamilə susması da bunu təsdiq edir, - deyə erməni oxucu onunla razılaşır. O hesab edir ki, Paşinyan Qarabağ klanına qarşı repressiyalar törətmək və Gəncəyə bomba atmaq əmri verməklə böyük səhv edib.

Qatı erməni milliyyətçisi Amiram Qriqorov “Jivoy Jurnal”ında (“Canlı Jurnal”) Paşinyanı devirməyə çağırır:

“Elə xalqlar var ki, onlar bir səhv belə edə bilməz, çünki hər bir səhv dönülməzdir. Bu, kiçik xalqlardır. Məsələn, Ermənistanın daşnak hökuməti ard-arda bir neçə axmaq qərara yol verdi – bu, Ermənistanın parçalanması və kiçik bir parçanın SSRİ-yə daxil edilməsi ilə başa çatdı, həm də Kars Atatürkə, Qarabağ Azərbaycan SSR-ə keçdi. Nə Atatürk, nə SSRİ çoxdan yoxdur, amma həmin macəraların nəticələri qalıb, çünki dönülməzdir – Ermənistan zərrə qədərdir.

Müharibədən bir iplə asılı olan ölkədə axmaq ucuz nitqləri ilə məşhur olan degenerat-populist lider seçilirsə, təhlükəli şüarlarla misli görünməmiş axmaq nümayişlər təşkil edilirsə, - dağıdılıb-dağıdılmamasından asılı olmayaraq, - bu, bağışlayın məni, insanın materialının keyfiyyətini göstərir.

Düşməni təzəcə onunla müharibəyə hazır olduğunu nümayiş etdirdiyi bir ölkənin lideri israrla, axmaqlıqla ölkənin iştirakçısı olduğu hərbi ittifaqın (KTMT) rəhbəri vəzifəsindən öz nümayəndəsinin çıxarılmasına çalışırsa (şəxsi intiqam səbəbindən), bu, təkcə liderin degenerat olduğunu deyil, əhalinin bir hissəsinin - böyük bir hissəsinin də degenerat olduğunu göstərir.

Müharibədən bir iplə asılı olan ölkədə ciddi şəkildə ən yaxşı inkişaf yolunun turizm olduğunu deyirlərsə,  - bir halda ki, turistlər sərhəddə üç atəş səsi eşitdikdən sonra qaçırlar, - bu da vətəndaşlar arasında degeneratların sayının çox olduğunu göstərir. Silah almağa pulu olmayan, bu vaxt təcavüzkar qonşusu silah alan ölkədə hansısa “ekoloqlar” qazanc gətirə biləcək bütün layihələri, - xüsusən perspektivli yataqların işlənməsini, - baltalayırsa, bu, onu göstərir ki, onlar xəstəxana mələfəsi kimi təmiz Ermənistanı türklərə saxlayırlar.

Dünya ilə yalnız İran vasitəsilə real əlaqəsi olan bir ölkənin lideri ayətullahlarda şübhənin kölgəsinin belə yaranmamasına çalışmaq yerinə, qəfildən İsraildə səfirlik açırsa (İsrailin Azərbaycanı silahlandırdığını və İranla İsrail arasında əslində soyuq müharibə getdiyini bilə-bilə), bu lider gərəksizdir.

Rusiya ordusunun qoruduğu ölkənin lideri Rusiyaya qarşı ədəbsizlik etməyə və az qala Dovlatov qəhrəmanı kimi “yoxsa başqa yoldan gedəcəyəm” deməyə cəsarət edirsə, bu lider gərəksizdir.

İndi gülünc axmaq ucbatından Qarabağ itirilsə, o, əbədi itiriləcək. Nə Putin, nə Erdoğan, nə də, təbii ki, Paşinyan olmayacaq – Qarabağı isə artıq heç kim qaytarmayacaq. Heç vaxt”, deyə Amiran Qriqorov yazır. Onun bu yazısı Ermənistan sosial şəbəkələrində tirajlanır.

“İndi bizə konstruktivlik nümayiş etdirəcək, cəmiyyətin müxtəlif təbəqələri ilə dialoq quracaq, etibarlı və sözlərində ehtiyatlı olacaq təmkinli insan lazımdır. Necə olursa olsun, Paşinyan vaxtından əvvəl gedəcək və nə qədər tez getsə, hamımız üçün, xüsusən onun siyasi komandası üçün bir o qədər yaxşıdır”, deyə sentyabrın 27-də politoloq Stepan Danielyan yazıb. -0-