Namizədlərin qəribə vədləri

11 aprel 2018-ci il prezident seçkiləri təkcə hazırki prezident və namizəd İlham Əliyevin real alternativinin olmaması ilə fərqlənmir. Özünü yeddi alternativ namizəd kimi təqdim edənlər elə davranırlar ki, seçicilər onlara səs verməyi ağıllarından belə keçirməsinlər.

MSK prezidentlik vəzifəsinə 8 namizədi qeydiyyata alıb. Hakim Yeni Azərbaycan Partiyasının namizədi İlham Əliyev, Azərbaycan Vahid Xalq Cəbhəsi Partiyasının namizədi Qüdrət Həsənquliyev, Sosial-Demokrat Partiyasının namizədi Araz Əlizadə, Milli Diriliş Hərəkatı Partiyasının namizədi Fərəc Quliyev, "Cəbhəçilərin təşəbbüs qrupu"nun namizədi Razi Nurullayev, "Müasir Müsavat Partiyası"nın namizədi Hafiz Hacıyev, müstəqil namizəd Zahid Oruc və Demokrat Partiyasının namizədi Sərdar Cəlaloğlu (Məmmədov).

Razi Nurullayev

Prezidentliyə namizəd Razi Nurullayev Azərbaycanlıların yaxşı tanımadığı gənc siyasətçidir. Onun namizədliyini irəli sürən "Cəbhəçilərin təşəbbüs qrupu" da tanınmır. Nurullayev özünü nə hakimiyyətdə, nə də müxalifətdə göstərməyib. Vətəndaş cəmiyyəti xadimi kimi göstərilir, amma seçiciləri eyni zamanda üç dinə - xristianlığa, islama və yəhudiliyə inanc nümayiş etdirir. Eyni kostyum və qalstukla məsciddə, sinaqoqda və kilsədə ibadət zamanı fotoşəkil çəkdirib. Bundan sonra, çətin ki, ona səs verəcək müsəlman, xristian və yəhudi tapılsın.

Sərdar Cəlaloğlu

Demokrat Partiyasının sədri Sərdar Cəlaloğlu konstitusiyaya zidd ideya - Azərbaycan-Türkiyə konfederasiyası yaradılmasını təklif edib. Onun seçkiqabağı təklifi ona görə konstitusiyaya ziddir ki, konstitusiyaya əsasən, Azərbaycan 2011-ci ildən Qoşulmama Hərəkatının üzvü olan müstəqil prezident respublikasıdır. İstənilən konfederasiya isə suveren hüquqların bir hissəsindən imtina deməkdir. Cəlaloğlu seçkiqabağı proqramında alternativ ailə formaları haqqında qanun qəbul edilməsi haqqında bəndlə də məşhurdur. Onlardan biri şiə siğəsidir. Bilməyənlər üçün izah edək, siğə qadının qarşılıqlı razılıq və mollanın təsiqi ilə müəyyən müddət üçün bir kişinin arvadı olması deməkdir.

ADP-nin namizədi ilahiyyata baş vurub və belə hökmlər verir:

"Allah deyir ki, O, insanların bəzilərini meymuna və donuza çevirib. Deməli, Allah deyir ki, meymunların bəzi növləri insandan əmələ gəlib. Bu, həm də o deməkdir ki, insan varlığı iki yerə parçalanıb, onun bir formasından meymun, bir formasından isə donuz yaranıb.

Yəni insanın mahiyyəti bu heyvanlara keçib. Donuzun İslamda yeyilməsinin qadağan olunmasının səbəbi də budur. Donuz insandan əmələ gəlib. Kim ki, donuz əti yeyirsə, deməli, o, insan əti yeyir", - onun KİV-də çıxışından.

Hafiz Hacıyev

Müasir Müsavat Partiyasının sədri Hafiz Hacıyevin başı öz təhlükəsizliyinə qarışıb. O, xəbərdarlıq edib ki, adı çəkilməyən məmurlar onu öldürmək istəyirlər. Daha sonra deyib ki, "Azərbaycanda fəaliyyət göstərən müəyyən səfirliklərin təlimatı ilə hərəkət edən bəzi qüvvələr" ona təzyiq göstərir. Hafiz Hacıyev İlham Əliyevi qardaşı adlandırır - bu, seçki təcrübəsində seçkilərdə namizədin baş rəqibini qardaşı adlandırdığı ilk haldır. Yazıçının qulağını kəsmək və şort geyinən kişilərin üstünə turşu tökmək kimi orijinal vədləri ilə məşhurdur. Bu bəyanatdan sonra Hafiz istirahət mərkəzlərindən birində şortda görünmüşdü.

Qüdrət Həsənquliyev

Bütöv Azərbaycan Xalq Cəbhəsi Partiyasının prezidentliyə namizədi Q.Həsənquliyev mahiyyəti hazırki prezidentin vədlərindən fərqli olmayan seçki platforması elan edib. Həsənquliyevin şüarları da çox yaxındır - Qüdrət Həsənquliyev prezident seçkilərinə iki əsas şüarla gedir - "Biz bacararıq!", "Özünüzə və bizə inanın". 2008-ci ildə o, ölkənin adını dəyişdirməyi təklif edirdi, amma on il sonra onun platformasında bu ideya görünmür.

Araz Əlizadə

Milli Məclisin deputatı, Azərbaycan Sosial-Demokrat Partiyasının lideri Araz Əlizadə açıq-aşkar bildirir ki, seçkilərin qalibi o deyil, İ.Əliyevdir. Onda niyə Əlizadə seçkilərdə iştirak üçün zaman və vəsait sərf edir? Özünü və partiyasını göstərmək üçün, - deyə prezident olmayacağını bilən prezidentliyə namizəd izah edib. Onun xarici siyasət proqramı konkretliyi ilə fərqlənir. Əlizadə çıxışlarından birində bildirib ki, Azərbaycanın köməyi olmasaydı, Gürcüstan acından ölərdi.

https://ru-video.com/video/Hcz8PMcaGqU/video.html

Zahid Oruc

Milli Məclisin deputatı Zahid Oruc parlamentdə aydın və düzgün çıxışları ilə məşhurdur. Amma bəzən onun mahiyyətcə doğru olan sözləri yanlış anlaşıla bilir, xüsusən, şiə müsəlmanlara müəraciət etdikdə: "Aşura mərasimində hicaba, çarşaba bürünən və dinin mahiyyətini anlamayan uşaqları gördükdə düşündüm ki, gələcəkdə Suriyaya göndərilən kamikadzelər yetişəcək".

Fərəc Quliyev

Milli Diriliş Hərəkatı Partiyası sədr Fərəc Quliyevin prezidentliyə namizədliyini irəli sürüb. Xalq içində onu, demək olar ki, tanımırlar, belə ki, Quliyev müxtəsər danışan, siyasi cəhətdən passivdir və seçkidən-seçkiyə insan içinə çıxır. Fərəc Quliyev Rusiya ilə istənilən ittifaq münasibətlərindən imtina etmək çağırışı ilə təəccübləndirib. "Biz Rusiyaya "Düşmənimin dostu mənim düşmənimdir" prinsipi ilə yanaşmalıyıq. NATO-ya yaxınlaşmalıyıq. Başqa çıxış yolumuz yoxdur, amma biz başqa bir blok - Türkiyənin başçılığı ilə türk respublikalarından ibarət yeni geosiyasi birlik qura bilərik".

Qeyri-türk etnik qruplarına aid ölkə vətəndaşlarının F.Quliyevə səs verəcəyini təsəvvür etmək çətindir.

İlham Əliyev

Prezidentliyə səkkizinci namizəd hazırki dövlət başçısı İ.Əliyevdir. Seçkiqabağı proqramla çıxış etməyib, teledebatlara çıxmayıb. Onun nümayəndələri deyirlər ki, Azərbaycanda hər şey yaxşıdır, Əliyevin yenidən yeddi illik müddət üçün seçilməsindən sonra daha da yaxşı olacaq. Belə bir vəddən və digər namizədlərin "seçkiqabağı platformalarını" dinlədikdən sonra Azərbaycanlılar İ.Əliyevə səs verməyə sadəcə olaraq məcbur olacaqlar.