Mehman Əliyevə və Turan agentliyinə qarşı atılan addımın səhv olduğunun etiraf edilməsi gec olsa da, vacib məqamdır. Mehman Əliyevə və Turan agentliyinə qarşı ittihamın götürülməsi barədə prokurorluğun müstəntiqinin imzası olan rəsmi sənəd təəssüf ki, kobud səhvə yol verildiyini təsdiq edir.
Bu, problemin həlli deyil, həmin qruplaşmanın üzərində kiçik, ancaq mühüm qələbədir.
Mehman bəyin sözlərinə görə, agentliyin bağlanması və onun həbsi hakimiyyətdəki müəyyən qruplaşma tərəfindən həyata keçirilib, başqa bir qüvvə isə onun azadlığa bıraxılmasına və cinayət işinə xitam verilməsinə çalışıb.
Mən hələ AŞ yanında ölkənin səfiri olarkən Facebook səhifəmdə qeyd etmişdim ki, bu qruplaşma və onun qəsdən heç nədən problem yaradaraq Qərblə, həmçinin sivil dünya ilə münasibətlərimizin pisləşməsinə çalışması barədə prezidentə şəxsən yazmışam.
Bu məktub yazılandan sonra hələ 2008-ci ildə mən həmin qruplaşma üçün düşmənə çevrildim.
Düşünürəm ki, həmin qüvvələr arasında çaşbaş qalan vergi xidmətinin rəhbəri mənəvi zərərə, Mehman bəyin istintaq təcridxanasında keçirdiyi günlərə görə ondan və ailəsindən rəsmən üzr istəsəydi Azərbaycan cəmiyyəti bunu çox müsbət qarşılayardı. Mehman bəyin istintaq təcridxanasında saxlanmasına göstəriş verənlər isə açıq şəkildə üzr istəməlidir, bu dürüst və vicdanlı insana, eləcə də Turan agentliyinin əməkdaşlarına dəyən maddi və mənəvi zərəri ödəməlidir.
Çünki Mehman bəy və onun ailəsi, yaxınları dərin mənəvi şok keçiriblər.
Bu qruplaşmanın günahı üzündən üç ay ərzində agentliyin fəaliyyəti pozulub, işçilər əməkhaqqı almayıb, Turan agentliyinin xəbər bülletenlerinə abunə olanlar, o cümlədən ölkədə akkreditə edilmiş səfirliklər abunəni dayandırmalı olublar.
Həmçinin bu qruplaşma ölkəyə, onun dünyadakı imicinə dəyən mənəvi zərərə görə bizim xalqdan üzr istəməlidir.
Söz istəyirəm
-
Bu gün 2014-cü ilin fevralında başlayan rusiya təcavüzünün Ukraynaya qarşı genişmiqyaslı müharibəyə çevrilməsindən 1000 gün ötür. Min gün davam edən ağrı, itki, göz yaşı...
-
Dörd il əvvəl 7 minə yaxın insanın həlak olduğu İkinci Qarabağ müharibəsi başa çatdı. Daha sonra ermənilər Azərbaycanın "antiterror əməliyyatları" adlandırdığı döyüşlər nəticəsində Qarabağı tərk etdilər.
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
Rəy yaz