70-ci illərdə sovet televiziyası tez-tez xunveybinlərin qalmaqalları ilə bağlı kadrlar nümayiş etdirirdi, onlar professorları və alimləri küçələrə çıxarır və onlarla haqq-hesab çəkirdilər. İnsanları diz üstünə çökdürür, üzərinə palçıq tökür, sinələrinə satqınlıq və s. ittihamları əks olunan yazılar asırdılar. Çin hakimiyyəti ölkə daxilində fərqli düşüncələrə və düşmənlərə, Qərb pərəstişkarlarına və digər düşmənlərə qarşı belə mübarizə aparırdı. Amma bütün bunlar məhkəmələrdə deyil, dəyənəklərlə silahlanmış gənclər tərəfindən həyata keçirilirdi. Bu gün, Mətbuat Şurasının üzvlərinin və hökumətyönlü jurnalistlərin beynəlxalq müşahidəçilər missiyasının mətbuat konfransında davranışına baxarkən bu kadrlar yadıma düşdü. Qışqırıqlar, yüksək səslər, söyüş, əl-qol atmalar, rədd olma tələbləri. Bütün bunları ölkənin baş ideoloqunun - Əli Həsənovun himayə etdiyi və qayğı göstərdiyi bir qrup şəxs edirdi.
O, tez-tez onları mükafatlandırır, bu gün onlar Azərbaycan mətbuatı adından danışmaq iddiasına düşürlər.
Bu şəxslərə, bu davranışa baxın. Yuxarıdan göstəriş almadan onların heç biri səsini çıxarmağa cürət etməzdi. Bugünki mətbuat konfransını pozan bu şəxslərin yeni göstəriş aldıqdan sonra səslərini kəsməsi bunun daha bir sübutu oldu.
Onların sahibi ölkənin və dövlət başçısının nüfuzuna necə zərbə vurduğunu başa düşürmü? Çətin...
2013-cü ildə də bu şəxslər prezident seçkilərində beynəlxalq missiyanın təqdimatını pozmağa çalışarkən elə belə qalmaqal çıxarmışdılar. Bu, belə davranışın hakimiyyətin açıq şəkildə göstərməkdən çəkinmədiyi, üzərində işlənmiş üslubdur.
Söz istəyirəm
-
Londona yeni gəldiyimdən vaxt dəyişiliyinə görə yuxum pozulub. Gecə oyanmışdım. Bir qayda olaraq telefonu söndürürəm. Bakı ilə 4 saat zaman fərqi var. Erkən zənglər olur. Sankı ürəyimə dammışdı. Ötən gecə telefonu açıq qoymuşdum. Gecə yarısı yarımyuxulu fb-yə baxanda Şəmşad Ağanın şəklini gördüm.
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
Rəy yaz