Ekspert Türkiyədə parlament seçkilərinin nəticələri haqqında

Uzun illərdir mövcud olan demokratiya modelinin qorunub saxlanmasını Türkiyədə parlament seçkilərinin əsas yekunu hesab etmək olar. Bu fikri “Amerikanın Səsi” radiosuna müsahibəsində Qafqaz Beynəlxalq Münasibətlər və Strateji Araşdırmalar Mərkəzinin rəhbəri Araz Aslanlı bildirib.

Bundan başqa, faktiki olaraq altı partiyanı birləşdirən kürdyönlü Xalq Demokrat Partiyası ilk dəfə olaraq proporsional sistemlə parlamentə keçib.

Bununla yanaşı, uzun müddət sonra ilk dəfə qeyri-müsəlman azlıqdan deputatlar – üç etnik erməni parlamentə keçdi.

Eyni zamanda, hökuməti təkbaşına qurmaq imkanını itirən hakim Adalet ve Kalkınma (Ədalət və İnkişaf) Partiyasının uğursuzluğu Ankaranın xarici siyasətinə təsir edəcək. Xüsusən, Türkiyə İraq və Suriyada ayrı-ayrı qüvvələri daha az dəstəkləyəcək.

Aslanlı azlıq təşkil edən partiyaların koalisiyasının yaradılması variantını da istisna etmir, lakin onlar arasında ciddi fikir ayrılıqları ilə əlaqədar bu ehtimal çox kiçikdir.

Ekspert koalisiya qurulmasa vaxtından əvvəl seçkilər keçirilməsi ehtimalını da istisna etməyib.

Seçkilərin daha bir yekunu Erdoğanın prezident respublikasına keçid ideyasının uğursuzluğa düçar olması olub. -03D06-