H.Hacızadə: Rusiya Hitler Almaniyasının yolu ilə gedir

Azərbaycanın Rusiyadakı keçmiş səfiri, politoloq Hikmət Hacızadə müxalif siyasətçi Boris Nemtsovun qətlini hələ 90-cı illərdə başlamış siyasi qətllər seriyasının davamıdır.

Bu cür cinayətlər şübhəsiz narazılıq yaradır, lakin onlar millətçi isteriya fonunda törədilir. Təsadüfi deyil ki, Ukraynaya qarşı təcavüz fonunda Putinin reytinqi 80%-ə çatıb, deyə o qeyd edib.

Bu cür proseslər həddindən artıq təhlükəlidir və yığılan neqativ enerji tez və ya gec partlayışa gətirib çıxaracaq. Bununla belə, liberal ideya tərəfdarlarının təsiri və rolu minimuma enib. Bu proseslər qonşu ölkələrə və ilk növbədə keçmiş SSRİ respublikalarına da təsir göstərir.

Eyni zamanda, Ukraynada avantüra Moskvaya baha başa gələcək və Rusiyada ciddi siyasi və iqtisadi böhrana gətirib çıxaracaq. Artıq bu gün Rusiyada faşist ideyaları, irqi və milli dözümsüzlük təbliğ olunur, bu da vətənpərvərlik kimi təlqim edilir.

Pisi odur ki, dövlətlər öz-özlüyündə belə mənəvi böhrandan çıxa bilmirlər. Vəziyyət çox vaxt dərin sarsıntılardan sonra dəyişir. Hitler Almaniyasınına başına da məhz bu gəldi, deyə Hacızadə qeyd edib. -16/03D-